________________
१५४
श्री विजयपद्मसूरिविरचितः
॥ श्री सिद्धचक्र स्तोत्रसंदोहः ।।
॥ आर्यावृत्तम् ॥ वंदिय सासणणाहं, वीरं करुणायरं च णेमिपयं ॥ सिरिसिद्धचक्कथुत्तं, रएमि पुण्णप्पमोएणं ॥१॥ परमेट्टिपणगमच्चं, सम्मइंसणगुणाइयचउक्कं ॥ एयाइ नवपयाई, तत्तं सिरिसिद्धचक्कस्स ॥२॥ तित्थेसरपण्णत्तो, चउविहधम्मो परप्पसुक्खदओ ॥ तत्थ पहाणो भावो, चित्ताहीणो य सो णेओ ॥३॥ चित्तथिरत्तबलेणं, णिम्मलभावो अणग्यसिद्धियरो ॥ मणथेजहेउनिवहे, णवपयसंसाहणं परमं ॥४॥ सिरिसिरिवालु व्व जणा, पकुणंता सिद्धचक्कपरिपूयं ॥ अव्वाबाहं सोक्खं, लहंति अचिरेण समएणं ॥ ५ ॥ नवपयसाहणमूलं, सुहपरिणामो जिणेससंदिट्ठो ॥ तं लहइ निम्मलप्पा, भेयाभेओभयसरूवो ॥ ६ ॥ तत्थरिहंतज्झाणे, तणुपयणीरूवभाववत्थाओ ॥ झाएअव्वा जत्तो, पासइ अप्पा निमि निरं ॥७॥ पढमपयप्पणिहाणं, आगमणोआगमेहि कायव्वं ॥ उवओगनाणकलिओ, पढमो किरिअण्णिओ इयरो ॥८॥
