________________
पाइयपच्चूसो
(जुग्ग)
णिसम्म सदं असिणो य तस्स, सुसा तयाणि इर जागरेइ । णिअं य बंधुं किर सम्मुहम्मि, विलोइडं सा य समुट्ठिआ य ॥१२॥ कुणेइ सिग्घं अहिवंदणं से, करेइ भो ! मंगलकामणं य । समागयं बंधुवरं य दटुं, पमोयए का भइणी ण लोए ॥१३॥ णि सुसं सो पुरिसस्स वेसे, तयाणि दळूण गओ य चित्तं । कहं य धत्तो पुरिसस्स वेसो, इमाअ दाणिं य कुणेइ चिंतं ॥१४॥ णिअं य बंधुं किर विम्हियं सा, णिहालिङ झत्ति य बंकचूला । भणेइ वेसे मणुयस्स मं य, विलोइउं ते हिअयम्मि णूणं ॥१५॥ अयं य पण्हो अहुणा य जाओ, कहं य धत्तो पुरिसस्स वेसो । अओ सुणेज्जा य रहस्सपुण्णं, वयं महं संसयणासगं य ॥१६॥
(जुग्ग) तुहं पउत्तिं मुणिउं य गुत्तं, णिवस्स दूआ य णडस्स वेसे ।। समागया अज्ज इहं य सायं, इणं य णाऊण विचिंतिअं मे ॥१७ ॥ जया लहिस्संति इमं य वत्तं, ण तुं इयाणिं इहमत्थि य । तया करिस्संति हु ते विणासं, इमांअ वत्थीअ ण संसओ य ॥१८॥ अओ मए ते परिहाय वत्थं, दुअं तयाणिं णिउणेण भाय ! । सहाअ आगम्म हु णाडगो य, मए य ते दुत्ति कराविओ य ॥१९॥ जया य णेऊण य दक्खिणं ते, गया य रत्ती पउरा वईआ । गिहम्मि आगम्म अहं य संता, विणा य वत्थं परिवट्टिऊण ॥२०॥ पयावईए य समं य सुत्ता, ण आसि हेऊ किर अस्स अण्णो । णिसम्म वत्तं भइणीअ इत्थं, मणम्मि चिंतेइ य बंकचूलो ॥२१॥
(जुग्ग) अहो वयेणं य महं य पाणा, अहो वयेणं भइणीअ पाणा । . सुरक्खिआ संपइ णिच्छिअं य, गई य का होइ य अण्णहा मे ॥२२ ।। वया य अण्णे वि य पालणिज्जा, अओ मए भो ! दिढमाणसेण । सया हुविस्संति सुहाय लोए, महं कये णिच्छियमायईए ॥२३ ॥
. इइ सत्तमो सग्गो
