________________
पाइपच्चूसो
।
॥११॥
तम्हा रज्जा पट्ठिऊणं इयाणि, ठाणे अस्सि विस्समं किंचि णेउं अम्हे सव्वे संपयं अत्थ ठिया य, अण्णो हेऊ णो य ठाणस्स अत्थि सोऊणं णं बंकचूलस्स वाणि, अप्पे चित्ते चिंतणं सो कुइ । एअं दक्खं आसयं जो य देज्जा, वड्डेज्जा से णिच्छियं अत्थ कज्जं ॥१२॥
२३
णेहेणं सो बंकचूलं चवेइ, मा गच्छेज्जा तुं य अण्णत्थ कुत्थ । वासं कुज्जा णिब्भयं तं य अत्थ, अम्हं णाई विज्जए काइ बाहा ॥ १३ ॥
अम्हं कज्जं चोरियाई य अत्थि, तुम्हं कज्जं चोरियाई इयाणि । अम्हं कज्जे विज्जए भो ! समत्तं, कत्ताराणं सारिसाणं ण दंदो ॥१४॥ वायं इत्थं तक्करेसस्स सोच्चा, चित्ते मोओ बंकचूलस्स जाओ । चिंतेइत्थं कुत्थ गच्छामि अत्थ, वासो सेयो मे णिरालंबणस्स ॥ १५ ॥ आभारं से बंकचूलो य मत्ता, वासं सायं सो य कुव्वेइ तत्थ । इत्थं तेसि सत्तरं माणसम्मि, जायाण्णोण्णं मोयरेहा तयाणि ॥१६॥
भूवेणं सो जेण बीयेण झत्ति, देसा बाहिं हंदि णिस्सारिओ य । तेसिं संगं सो पुणो लडुआणं, दक्खत्तेणं चोरियाई कुणेइ ॥ १७ ॥ दुक्कम्माणं जाव अंतो ण होइ, सक्का संग सज्जणाणं ण लद्धुं । वुत्तं सच्चं सज्जणाणं य संगं, सब्भग्गेणं माणवेहं लहेंति ॥१८॥ थेणाणं सो सि लद्धूण संगं, तेसिं कज्जे हंदि वुड्डि कुणेइ । दट्ठूणं से तक्करेसो य दक्ख, चित्ते मोयं सो तयाणि लहेइ ॥१९॥ मच्चुं पत्तो तक्करेसो जया सो, सव्वे थेणा सोअतत्ती सुक्खा । जुग्गं बुज्झा सव्वहा बंकचूलं, णेयारं तं अप्पयं ते कुर्णेति ॥ २० ॥
इइ चउत्थो सग्गो समत्तो
(८) चिंतेइ + इत्थं । (९) दाक्ष्यम् ।
