________________
पाइयपच्चूसो
चित्तो ! चऊहि ठाणेहिं, जीवा सोउं ण पक्कला । केवलिभासियं धम्मं, इइ जिणेहि साहिअं ॥६४ ।। जो आरामगयं साहुं, उवस्सयगयं य वा । गोयरग्गयणिग्गंथं, ण वंदइ ण पुच्छइ ॥६५ ।। दट्ठण समणं जो य, आवरित्ताण अप्पगं । गमेइ अण्णमग्गेण, धम्मं सोउं ण पच्चलो ॥६६ ॥(जुग्गं) पएसीभूवई तुज्झ, साहूण सविहं वि णो आगमेइ ण वंदेइ, कहं धम्मं सुणेहिइ ॥६७ ॥ केसीसामीण सोऊण, इणं य वयणं तया ।। चित्तो णिवेयए इत्थं, भवाण सविहे तया ॥६८ ॥ आणेउं तं कुणेहामि, पयत्तं बहुलं अहं । जइ भवाण अब्भासं, आगमेहिइ सो तया ॥६९ ॥ सुणावेहिइ किं धम्मं, केवलिभासियं भवं । चित्तस्स वयणं सोच्चा, केसीसामी चवेइ णं ॥७० ॥
(तीहिं विसेसगं) दव्वं खेत्तं य कालं य, भावं दट्ठण हं तया । सुणाविस्सं सुधम्मं तं, चित्तो ! णाई य संसओ ॥७१ ॥ केसीसामिस्स सोऊण, चित्तो इणं वयं तया । वंदिऊण णिअं ठाणं, गओ पंफुल्लमाणसो ॥७२॥
बीओ सग्गो समत्तो
