________________
पाइयपच्चूसो
कइवाह दिणा वीआ, एगया तत्थ आगओ । नाणदंसणसंपण्णो, ओयंसी य जिइंदिओ ॥१२॥ तवचरित्तसंपण्णो, तेयंसी जणतारगो । जिअपरीसहो धीरो, चउणाणेण पुण्णओ ॥१३॥ चोद्दसपुव्वसंपण्णो, केसिणाममुणीवई । पंचसएहि साहूहिं, विणीएहिं समं तया ॥१४॥
__ (तीहिं विसेसगं) साहबईण सोऊण, आगमणं जणा तया । सव्वपावहरं णेसिं, दंसणं काउमाणसा ॥१५ ॥ अहमहमिआए य, पट्ठिआ स-गिहा दुअं । . को अण प्रहाइ गंगाए, गिहंगणागयाअ य ॥१६॥ (जुग्ग) रायपहेण गंताणं, दट्ठण मणुयाण य । पुच्छेइ सारही चित्तो, विम्हयावण्णमाणसो ॥१७॥ कंचुइपुरिसं एगं, आगारेऊण सत्तरं । किं अज्ज निगमे अस्सि, अत्थि को वि महसवो ॥१८॥ अइच्छेति जओ मच्चा, णइपूरव्व संपयं । सुणेऊण वयं तस्स, साहेइ सो णरा तया ॥१९॥
. (तीहिं विसेसगं) णाइं महूसवो को वि, णयरे अज्ज विज्जए । अज्ज समागओ अत्थ, केसिणाममहामुणी ॥२०॥ ठाइ पुरीअ बाहिं सो, कोट्ठयणामचेइए । कणेउं दंसणं तेसिं, जणा गमेंति संपयं ॥२१॥ सोऊण वयणं तस्स, चित्तो चिंतेइ माणसे । दंसणं जस्स काउं य, वच्चेति पउरा णरा ॥२२॥ सो हुवेज्ज महप्पा हु, गंतव्वं ममए अओ । दंसणं तस्स काऊणं, धण्णं कुणेज्ज अप्पयं ॥२३ ॥(जुग्गं) इत्थं विआरिऊणं सो, कोट्ठयणामचेइए । दंसणटुं अइच्छेइ, से महामुणिणो तया ॥२४॥
(८) गच्छन्ति (गमेरइच्छ..प्रा.व्या.८।४।१६२)
