________________
सं० १८३३ रो लिखत (आर्या फतूजी आदि रो) १०. (पृष्ठ ४७ से संबंधित)
आर्य्या फतूजी आदि च्यारूं जणीयां नै दिख्या दीधां पैहली सीखामण आचारगोचर बतावण री विध लिखिये छै । ते चारित्र संघाते त्याग ।
१. उभी नै कीड़ी न सूझे जद संलेखणा मंडणो ।
२. विहार करण री सगत नही, जद संलेखणा मंडणो ।
३. आर्य्या रो विजोग पड़यां न कल्पे जद संलेखणा मंडणो ।
४. साध कहै जठे चोमासो करणो ।
५. साध कहै जठै सेखा काळ रहिणो ।
६. चेली करणी ते साधां रा कह्या सूं करणी आज्ञा बिना करणी नही ।
७. शिष्यणी कीधां पछे पिण कोइ साधपणा लायक न हुवे साधां रे चित्त न वेसै तो साधारा का सूं दूर करणी ।
८. साधां री इच्छा आवै जुदो विहार करावण री ओर आर्य्या साथै जुदी मेले तो ना कहिणो नही ।
९. साध - साधवियां रो कोइ खूंचणो दोष प्रकृतादिक रो ओगुण हुवै तो गुरां नै कहिणो पिण ग्रहस्थादिक आगै कहिणो नही ।
१०. आहारपाणी कपड़ादिक में साधां नै लोळपणां नी संका उपजै तो साधां नै परतीत उपजै ज्यूं करणो ।
११. अमल तम्बाखू आदि रोगादिक रे कारण पड़यां लेणो पिण विस्न रूप लेणो नहीं लीयांइज सझै ज्यूं करणो नही ।
१२. बलै सर्व साध - साधवियां ने आचार - गोचार मांहै ढीळा पड़ता देखे अथवा संका पड़ती जाणै जद समचै सर्व साध - साधवियां री करली मर्यादा बांधै तो पिण नां कहो नही । इत्यादिक सीखामण चारित्र संघाते अंगीकार कर लेणी ते जाव-जीव रा पचखांण छै ।
१३. संवत १८३३ मिगसर विद २ वार बुध ए लिखत बंचाय अंगीकार करायो नै सामायक चारित्र अंगीकार करीयो छै । बलै फैर छेदोपस्थापनी चारित्र दीधो जद पिण लिखत नै अंगीकार कीधो छै हरष सूं च्यार इ आर्य्यं ।
परिशिष्ट : लिखता री जोड़ :
४५७
