Page Text
________________
उन्नीसवीं हाजरी
पंच सुमति तीन गुप्ति पंच महाव्रत अखंड आराधणां । ईर्या भाषा एषणा में सावचेत रहिणो। आहारपाणी लेणो ते पक्की पूछा करी नै लेणो । सूजतो आहार पिण आगला रो अभिप्राय देख नै लेणो । पूजतां परठवतां सावधान पणे रहणो । मन वचन काय गुप्ति में सावचेत रहिणो । तीर्थंकर री आज्ञा अखंड आराधणी। भीखणजी स्वांमी सूत्र सिद्धान्त देख नै श्रद्धा आचार प्रगट कीधा - विरत धर्म नै अविरत अधर्म | आज्ञा मांहे धर्म, आज्ञा बारे अधर्म । असंजती रो जीवणो बंछै ते राग, मरणो बंछे ते द्वेष, तिरण बंछे ते वीतराग देव नो मार्ग छै । तथा विविध प्रकार नी मर्यादा बांधी। जिलो न गुणसारा लिखत में तथा 'साध सीखामण री ढाळ' में तथा रास में जिला नैं घणो निषेध्यो छै ।
तथा पैंतालीसा रा लिखत में कह्यो - टोळा मांहे पिण साधां रा मन भांगनै आपआप रै जिले करै ते तो महाभारीकर्मों जाणवो। विस्वासघाती जांणवो। इसड़ी घातपावड़ी करै ते तो अनंत संसार री साई छै ।
तथा गुणसठा रा लिखत में कह्यो -कदा कोई असुभ कर्म रे जोग टोळा मां सूं फाड़ा - तोड़ो करै, नै एक दोय तीन आदि नीकळै, घणी धुरताइ करै, बुगलध्यांनी हुवै, त्यां नै साध सरधणां नहीं । च्यार तीर्थ में गिणवा नहीं । त्यां नै चतुरविध तीर्थ रा निंदक जावा । हवा नै वांदे पूजे ते पिण आज्ञा बारै छै । कदा कोइ फेर दिख्या लेवे - ओर साधां नै असाध सरधायवा ने तो पिण उण नै साध सरधणो नहीं, उण नै छेरवियां तो उ आळ दे काढ़े, तिण री एक बात मानणी नहीं ।
तथा संवत् १८३३ से फतूजी आदि ४ भेषधारयां मां सूं आवी । त्यां नै भीखण जी स्वामी पहिला मरजादा बांध नै पक्की खराय नै समजाय नै दिख्या दीधी, ते कहे छै-आर्य्या फतूजी आदि च्यारूं जणियां दिख्या लीधां पहली सीखावण आचार गोचर बतावण री विध लिखिये छै ते चारित्र संघाते त्याग |
२८४
१. ऊभी नै कीड़ी न सूजे, जद संलेखणां करणी मंडणो ।
२. विहार करण री सगत नहीं, जद संलेखणां मंडणो ।
३. आर्य्या रो विजोग पड़यां न कल्पै, जद संलेखणां मडणो ।
8.
साध कहै जठे चोमासो करणो ।
५.
साध कहै जठे सेषाकाळ रहिणो ।
६. चेली करणी ते साधां रा कह्यां सूं करणी । आज्ञा विना करणी नहीं ।
७.
सिषणी कीधा पछै पिण काइ साधपणां लायक न हुवै साधा रे चित नै वैसे तो साधां रा कह्यां सूं दूर करणी ।
तेरापंथ : मर्यादा और व्यवस्था
| SR No. | 006153 |
| Book Title | Terapanth Maryada Aur Vyavastha |
| Original Sutra Author | N/A |
| Author | Tulsi Acharya, Mahapragna Acharya, Madhukarmuni |
| Publisher | Jain Vishva Bharati |
| Publication Year | 2004 |
| Total Pages | 498 |
| Language | Hindi |
| Classification | Book_Devnagari |
| File Size | 10 MB |