________________
દેવગતિમાં સોમનામના દેવને ઈન્દ્ર દ્વારા રાજર્ષિની વૈયાવચ્ચની પ્રસંશા સાંભળી શંકા થઈ. સત્યની પરીક્ષા ક૨વા એણે વિવિધ રીતે મુનિને મુંઝવ્યા, સેવા કરવામાં વિઘ્ન કર્યું. કષાયથી કટુ વચન ઉચ્ચાર્યા. છતાં રાજર્ષિ ખેદરહિત ચિત્તે ગ્લાનની વૈયાવચ્ચ કરવા ન મળી તેનો પશ્ચાતાપ કરવા લાગ્યા. મુનિના શુદ્ધ ભાવ જાણી દેવ દેવમાયા સંહરી પ્રગટ થયો. ખમાવી સ્તુતિ કરી સ્વ-સ્થાનકે ગયો.
જિમ્મૂતકેતુ મુનિ જિનપદનું શુદ્ધ ભાવે વૈયાવચ્ચ દ્વારા આરાધન કરી, તીર્થંકર નામકર્મની નિકાચના કરી, નિરતિચાર ચારિત્રનું પાલન કરી, અનસન વ્રત સ્વીકારી ક્રમશઃ વિજય વિમાનમાં દેવ થયા. ત્યાંથી કચ્છ વિજયમાં તીર્થંકર થઈ મોક્ષ પામશે.
૧૪૧
