Page Text
________________
ભાભીશ્રી કેવા કુંડલ પહેરતા હતા તેની મને ખબર નથી, પણ ભાભીશ્રીના પગે રોજ પ્રણામ કર્યા છે તેથી ઝાંઝર કેવા પહેરતાં હતાં તેની મને ખબર છે. કહેવાનો અર્થ એજ કે, દ્રષ્ટિદોષ જ માનવીને પતનની પગદંડીએ ચડાવે છે.
બ્રહ્મચર્ય અને ઈન્દ્રિય પરસ્પર શત્રુ પણ છે ને મિત્ર પણ છે. ઈન્દ્રિય જેના ઉપર (મનુષ્ય) રાજ્ય કરે તેને નબળો-પાયમાલ કરી નાખે અને એજ ઈન્દ્રિય ઉપર જે (મનુષ્ય) રાજ્ય કરે તે બધું જ મેળવી શકે છે. હાથીને પકડવા માટે હાથણીનું વિશાળ ચિત્ર જંગલમાં રાખવામાં આવે ને તેની પાસે ખાડો કરી નજીવું ઘાસ બિછાવવામાં આવે તો એ હાથી કામાંધ જેવો થઈ હાથીણી સાથે ગેલ કરવા, આનંદ કરવા ચિત્રની પાસે જાય ને ત્યાં ખાડામાં ફસાઈ જાય. આવા બળવાન હાથીની પાસે ધાર્યું કામ કરાવવા મહાવત પણ તે વખતે મદદરૂપ થતો નથી.
રાજા ભર્તુહરી જ્યારે રાણી પિંગલામાં આસક્ત હતા. ત્યારે રાણીના સ્ત્રીના શબ્દ-રૂપ-રસ-ગંધ-સ્પર્શની વાતો શૃંગારશતક ગ્રંથમાં ઘણી લખી. પણ જ્યારે અમર ફળના કારણે સ્ત્રીના ચરિત્રનો રાજાને અનુભવ થયો. ત્યારે એજ રાજાએ વૈરાગ્યશતક લખ્યું. તેમાં બ્રહ્મચર્યના સંબંધી શ્લોકમાં લખ્યું.
ભીક્ષામાં સત્વહીન નીરસ ભોજન મળે તો આનંદ માનનારા, સુવા માટે પત્થરવાલી ખરબચડી જમીન મળે તો પણ ચલાવી લેનારા, શરીરને ઢાંકવા માટે મેલાંઘેલાં-અપૂરા-જીર્ણવસ્ત્ર પહેરી જંગલમાં વિચરનારા એવા મુનિ-બાવા-ફકીરને પણ ઈન્દ્રિયજન્ય વિષયો શાંતિથી સમાધિમાં લીન થવા દેતા નથી. ખરેખર, વિષયો ! તમે વિષ જેવા છો.
સંસારમાં ગૃહસ્થાશ્રમ, વૃદ્ધાશ્રમ, વાનપ્રસ્થાશ્રમ, સંન્યાસાશ્રમમાં નિવાસ કરવો સહેલો છે. પણ બ્રહ્મચર્યાશ્રમમાં મન-વચન-કાયાની શુદ્ધિથી રહેવું દુષ્કરમાં પણ દુષ્કર છે. માટે જ સંભૂતિવિજયજી ગુરુદેવ કોશાવેશ્યાને ત્યાં ચાતુર્માસ કરી આવેલા સ્યુલિભદ્રજીને દુષ્કર-દુષ્કર-દુષ્કર તમે કાર્ય કર્યું તે માટે ધન્યવાદ આપ્યા. બાવીશ પરિષદમાં સ્ત્રી એ એક અનુકૂળ પરિષહ છે. તેને જીતવો ઘણો દુષ્કર છે. બ્રહ્મચર્યવ્રતધારી જીવને કામની-૧૦ અવસ્થા અને પાંચ ઈન્દ્રિયોની ૨૩ વિષયોને જાણી લેવા અને દૂર રહેવા પ્રયત્ન કરવો પડે છે.
આજના જમાનામાં વિડીયો કેમેરા દ્વારા એક નહિં અનેક સ્થળ ઉપર ચેકીંગ કરવું વ્યવહારથી શક્ય છે પણ સમ્યગૂજ્ઞાન દ્વારા જીવની પરિણતિ ઉપર ધ્યાન રાખવું, શુદ્ધ પરિણતિનું પ્રમાણપત્ર આપવું અઘરું છે. જે આત્મા બ્રહ્મ એટલે આત્મા અને ચર્ય એટલે શુભ ભાવે વિચરે તેને બ્રહ્મચર્ય કહેવાય. છ'રિપાલીત તીર્થભૂમિની સ્પર્શના કરવા માટે નિકળેલા સંઘના શ્રાવક-શ્રાવિકાને તેજ કારણે તેટલા સમય માટે ૧૦૨
| SR No. | 006144 |
| Book Title | Ghadvaiya |
| Original Sutra Author | N/A |
| Author | Harishbhadravijay |
| Publisher | Navjivan Granthmala |
| Publication Year | 2009 |
| Total Pages | 198 |
| Language | Gujarati |
| Classification | Book_Gujarati |
| File Size | 6 MB |