Page Text
________________
જતા જીવોને બચાવવા સાધ્વી થઈ કલીષ્ટ તપ કરી કદરૂપ થયા. અનસન પણ કર્યું છતાં કર્મે દુઃખી કરી. (૯) અપરિગૃહીતા ઉર્વશીદેવીમાં આસક્ત થએલ મિત્રને જ્યોર્તિમાલી દેવે (ગૌતમસ્વામીનો જીવ) સ્થિર કર્યો. (૧૦) નવ નારદ એકજ શિયળ વ્રતના કારણે મોક્ષે ગયા.
આવા અનેકાનેક પ્રસંગો રાગદશાના કારણે વિષયોના કારણે જીવો ઈચ્છાએ અનિચ્છાએ અબ્રહ્મનો અનુભવ કરે છે. તેથી જન્મ-મરણ વધે છે. માટે જ સ્વદારાસંતોષવ્રત દેશવિરતિધર શ્રાવકોએ લેવું ને શુદ્ધતાથી પાલન કરવું જોઈએ.
શરીરમાં આહારથી રસ, રસથી લોહી, લોહીથી માંસ, માંસથી ચરબી ચરબીથી હાડકાં, હાડકાંથી મજ્જા અને મજ્જાથી વીર્ય અથવા શુક્ર બને છે. આ સાત ધાતુથી બનતું વીર્ય અબ્રહ્મના સેવનથી નાશ થાય છે. દરેક ધાતુને બીજા ધાતુમાં રૂપાંતર થવા સાત-સાત દિવસ લાગે છે. એટલે વીર્ય બનતા ૪૯ દિવસ લાગે. જ્યારે માત્ર એક વખત અબ્રહ્મનું સેવન કરનાર ૨ થી ૯ લાખ સમૂર્છિમ પંચેન્દ્રિય જીવોની હિંસા કરનાર કહેવાય છે. અબ્રહ્મના કારણે શરીર ઘસાય, અકાળે રોગ-વૃદ્ધાવસ્થા યા નબળાઈ પણ આવે.
અંતરાય કર્મના પ્રભેદ વીર્યાન્તરાય સાથે બ્રહ્મચર્યનો ઘણો નજીકનો સંબંધ છે. તેથી બ્રહ્મના સેવનના કારણે કર્મનો બંધ થાય છે. જેનો વિસ્તૃત અધિકાર ઉત્તરાધ્યયન, પ્રશ્નવ્યાકરણ, જ્ઞાનસાર, દશવૈકાલિક, ભગવતિજી, ઉપદેશપ્રાસાદ, સૂત્રકૃતાંગ, સંબોધિસત્તરી જેવા અનેક ગ્રંથોમાં મળે છે.
બ્રહ્મચર્યના પાલનમાં દ્રઢ એવા આચાર્ય બપ્પભટ્ટસૂરિ, સીતા, કલાવતી, દોપદી, સુભદ્રા, સુવ્રતશેઠ જેવા અનેક આત્માઓએ દુઃખદાઈ ઉપસર્ગો સહયા હતા. તેથી દેવતા પણ આવી આકર્ષાઈ ગયા હતા. શાસ્ત્રમાં શુદ્ધ બ્રહ્મચર્યની સેવન માટે અતિ ભોજનથી દૂર રહેવાની સલાહ આપી છે. અર્થાત્ ભોજન વિષય-વિકારોને પોષણ આપે છે. કુસ્થાન, કુસંગ, કુસાહિત્ય દર્શન-વાંચન મન વચન કાયાને બગાડે છે. ટૂંકમાં ગુણની વૃદ્ધિ કરે તે માટે વિચારોની શુદ્ધિ જોઈએ.
કામવાસના પુરુષ કરતાં સ્ત્રીઓને આઠગણી જાગ્રત હોય છે. અને દીર્ઘકાળે તે શાંત થાય છે. આ એક હિંસા-(અનુબંધ હિંસા) છે કે જે મોજશોખ યા ઈચ્છાના કારણે થાય છે. હેતુરૂપ હિંસા-રસોઈ વેપાર આદિમાં થાય. સ્વરૂપ હિંસા-ધર્મ કાર્યાદિમાં જયણાપૂર્વક પ્રવૃત્તિ કરવાથી થાય છે. જ્યારે ઉપરની અનુબંધ હિંસા વિના કારણે સંસાર વધારનારી જન્મ-મરણ કરાવનારી છે. માટે બ્રહ્મચર્યનું મન-વચનકાયાથી પાલન કરવા આગ્રહ રાખવો જોઈએ.
વેદ–પુરુષવેદ, સ્ત્રીવેદ, નપુંસકવેદ એવા વેદના ૩ પ્રકાર છે. આત્મા
૧૦૦
| SR No. | 006144 |
| Book Title | Ghadvaiya |
| Original Sutra Author | N/A |
| Author | Harishbhadravijay |
| Publisher | Navjivan Granthmala |
| Publication Year | 2009 |
| Total Pages | 198 |
| Language | Gujarati |
| Classification | Book_Gujarati |
| File Size | 6 MB |