________________
પૂર્વભવ અને વર્તમાન ભવને બરાબર મેળવી અરણકુમારે પુત્રને રાજગાદી આપી શ્રી પ્રભાચાર્ય પાસે સર્વવિરતિ વ્રત-સંયમ લીધું. અપ્રમત્ત ભાવે ગુરુની નિશ્રામાં જ્ઞાનધ્યાન કરતાં દ્વાદશાંગીના જ્ઞાતા થયા. ગુરુ મુખેથી મુનિ જીવન સાધના માટેનું છે. તે જાણ્યા બાદ વીશસ્થાનકમાંથી ચારિત્ર પદની આરાધના કરવા મન વાળી લીધું. પોતે ચારિત્રવાન છે અને ઉત્તમ પ્રકારે ચારિત્રપદની જપ-તપ-ધ્યાનસાધના દ્વારા જો આરાધના કરવામાં આવે તો ભાવના સફળ થાય એવા શુભ આશયથી પ્રયત્ન શરૂ કર્યા.
સામાયિક આવશ્યકથી સંયમ નિર્મળ થાય. ચઉવીસત્યો આવશ્યકથી સમકિત શુદ્ધ થાય, વંદન આવશ્યકથી ગુરુજનની પ્રીતિ-ભક્તિ પ્રાપ્ત થાય, પ્રતિક્રમણ આવશ્યકથી આત્મગહ થાય, કાઉસગ્ગ આવશ્યકથી ચારિત્રના અતિચાર-અંતરાય દૂર થાય અને પચ્ચખાણ આવશ્યકથી તપની-કર્મની વિશુદ્ધિ થાય. ટૂંકમાં આ છે આવશ્યક દિવસને-જીવનને-પવિત્ર કરે છે. અને બીજી રીતે ચારિત્રપદનું ઉત્તમોત્તમ આરાધન કરવા તક આપે છે.
અરૂણદેવ રાજર્ષિ કેવી ચારિત્રની આરાધના કરે છે. તેની પરીક્ષા લાગલગાટ અનુકૂળ-પ્રતિકૂળ ઉપસર્ગ દ્વારા લક્ષ્મી દેવીએ છ મહિના સુધી કરી. દરેક ક્ષણે મુનિ શુદ્ધ પરિણામવાળા જોઈ દેવીએ પ્રત્યક્ષ થઈ ક્ષમા માંગી. સ્તુતિ કરતાં કહ્યું, હે મુનિ ! સંસારમાં દ્રવ્યાવશ્યકનું આરાધન કરનારા ઘણાં છે. પણ આપના જેવા ભાવાવશ્યકના આરાધક વિરલા જ છે. આપને હું વંદન કરું છું.
અરૂણદેવમુનિ અંતે અનસન કરી બારમા દેવલોકમાં ઉત્પન્ન થયા. ત્યાંનું આયુષ્ય પૂર્ણ કરી, ઍવી મહાવિદેહ ક્ષેત્રમાં તીર્થંકરપદ પામી જન્મ-જરા-મરણના દુઃખોનો ક્ષય કરી શાશ્વત સુખને પામશે.
