________________
આગેવાન શ્રાવકને ઇશારો કરી તેને છોડાવ્યો અને શ્રીફળ પાછા અપાવ્યા.
પોતાના આવા અપરાધની ઉપેક્ષા કરીને નિષ્કારણ વાત્સલ્ય વરસાવનારા આચાર્ય ભગવંત પ્રત્યે બાળકનું હૈયું અહોભાવથી ઓવારી ગયું તેણે આચાર્ય ભગવંતની માફી માંગી. યથાર્થનામી પૂજ્યશ્રીએ તેને પ્રેમથી નવડાવી દીધો. પરિણામે તે બાળક નિયમિત તેઓશ્રીનો સત્સંગ કરતો થઈ ગયો. આખરે તેણે દીક્ષા લીધી. શિવપ્પા મુનિ ગુણાનંદ વિજય બને છે. અને કેટલાક વર્ષો બાદ એમની યોગ્યતા જોઈ ગુરૂદેવ તેમને સૂરિપદે આરૂઢ કરે છે. અત્યંત નિરભિમાની અને સાદગી ભર્યું જીવન જીવતા આ.ભ. ગુણાનંદસૂરિજીની વાચનાશ્રવણનો લાભ નવસારી તપોવનની અંજનશલાકા પ્રસંગે અમને મળ્યો હતો.
આમ પ્રભાવનાનું નિમિત્ત અને આ.ભ.નું વાત્સલ્ય શિવપ્પાને મુનિ અને સૂરિ બનાવે છે. કોઈ પણ જાતની ભૂલને સુધારવા માટે આક્રોશ કે તિરસ્કારને બદલે પ્રેમ અને વાત્સલ્ય કેવો ગજબનો ચમત્કાર સર્જી શકે છે તે આ દૃષ્ટાંતમાંથી ખાસ જાણવા મળે છે. જો આ ગુણોને આત્મસાત કરવામાં આવેતો ઘર ઘરમાં ફૂલી ફાલી રહેલા સંઘર્ષો અને કલેશો ક્યાંય અદ્રશ્ય થઈ જાય અને પ્રેમ અને વાત્સલ્યને કારણે ધરતી ઉપર જ સ્વર્ગીય વાતાવરણનો અનુભવ થયા વગર રહે નહિ.
પંજાબકેસરી પ.પૂ.આ.ભ.શ્રી વિજયવલ્લભસૂરિ સમુદાયના હાલના ગચ્છાધિપતિ શાસનપ્રભાવક પ.પૂ.આ.ભ.શ્રી વિજયઈન્દ્રદિનસૂરીશ્વરજી મ.સા.પરમાર ક્ષત્રિયજ્ઞાતિમાં જન્મ્યા હતા.
શાસનસમ્રાટ પ.પૂ.આ.ભ.શ્રી વિજયને મસૂરીશ્વરજી મ.સા.ના સમુદાયના સ્વ. ગચ્છાધિપતિ શાસનપ્રભાવક પ.પૂ.આ.ભ.શ્રી વિજયમે પ્રભસૂરીશ્વરજી મ.સા. બ્રાહ્મણ કુળમાં જન્મ્યા હતા. અને ખંભાતમાં એક જૈન શેઠને ત્યાં રસોઇયા તરીકે કામ કરતા હતા પરંતુ સત્સંગના યોગે જીવન પરિવર્તન થયેલ.
૩૮
૩૮
