Page Text
________________
દેવગિરિના રાજાને પરાજિત કર્યો અને ત્યાં શિખરબંધી જિનાલય બનાવ્યું કે પેથડ ! તારે એની જમીન ખરીદવામાં જ કરોડો રૂપિયાનો ખર્ચ થઈ ગયો અને છતાં અનેક આપત્તિઓમાંથી પાર ઊતરી જઈ તેં દેવગિરિમાં જિનાલય
બંધાવ્યું. હે માંડવગઢ મંત્રીશ્વર ! તમારી આ જિનભક્તિને અમારા કોટિકોટિ કે પ્રણામ !
કુમારનંદી સોની ! મનુષ્ય જીવનની તારી કારમી કામવાસના અમે શાસ્ત્રોનાં પાનાં ઉપર જોઈ છે. તે પછીના તારા દેવ તરીકેના જીવનમાં રે પરમાત્મા મહાવીરદેવની પ્રતિમા બનાવીને તેમની તેં જે ભક્તિ કરી તેના પ્રભાવે તારી એ કામવાસના શાંત થઈ ગઈ. ઓ કામવાસનાને શાંત કરનારા ! તારી તે જિનભક્તિને અમારા પ્રણામ !
અરે ઓ વાગભટ્ટ મંત્રીશ્વર! લાખો સોનામહોરો ખર્ચીને આપે પાલીતાણા ઉપર આદીશ્વર ભગવાનનાં જિનાલયનું નિર્માણ કરાવ્યું. કમનસીબે કાતિલ પવનના સુસવાટાના કારણે તેમાં તિરાડો પડી ગઈ. ત્યારે ફરીથી પોતાના પૈસે જ જિનાલય નિર્માણ કરવાનો સંકલ્પ શ્રીસંઘ સમક્ષ તમે જાહેર કર્યો. કમાલ છે 3 તમારી જિનભક્તિને ! અમારા તેને પ્રણામ !
ઓ વિમળ મંત્રીશ્વર! તમારે ઘેર ઘોડિયું બંધાતું ન હતું. પત્નીને વારસ જોઈતો હતો. 3 અંબિકાની આરાધના કરી. દેવીએ કહ્યું કે “વારસ જોઈતો હોય તો તે પણ મળશે અને તમારા મંદિરના કાર્યમાં આવતાં વિબોનો નાશ જોઈતો હશે તો તે પણ હું આપીશ. તો દસ કલાકમાં તમે બંને દંપતી નિર્ણય કરી લો કે તમારે | આરસ (મંદિર) જોઈએ છે કે વારસ? અને મંત્રીશ્વર ! પત્નીને સમજાવી દઈને તમે આરસ માંગ્યું. કમાલ છે તમારી પરમેષ્ઠિ ભક્તિને ! અમારા તેને પ્રણામ !
ઓ સંપ્રતિ મહારાજા! આપે પણ કમાલ કરી. માતાની ઈચ્છા પૂર્ણ કરવા ધતણ પહેલાં રોજ ઓછામાં ઓછા એક જિનાલયનો ભારતની ધરતી ઉપર પાયો નખાવવાનો સંકલ્પ કરી આપે સવાલાખ જિનમંદિરો અને સર્વશ્રેષ્ઠ જિનેશ્વર ભગવંતોના બિંબની રચના કરી. તમારી એ.જિનભક્તિને અમારા પ્રણામ.
આ બહુરના વસુંધરા-ભાગચોથો : ૨૦૦
TH
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |