Page Text
________________
મેળવી.
તેથી આગળ વધીને મુનિ પાસેથી લાડવો પાછો માગ્યો. મુનિએ ન આપતાં ધૂળમાં રગદોળી નાંખ્યો. આમ મુનિને અંતરાય કરવાથી પોતે ઘોર અંતરાય કર્મ બાંધ્યું, જેના પરિણામે શ્રેણિક મહારાજાથી પણ વધુ સંપત્તિ હોવા છતાં પોતે માત્ર તેલચોળાનું ભોજન અને ઢીંચણ સુધીના વસ્ત્ર સિવાય બીજું કંઈપણ ભોગવી શક્યો નહીં.
વળી સુપાત્ર દાનની નિંદા-પશ્ચાત્તાપરૂપ પરિણામના કારણે નારકીમાં લઈ જનાર અનુબંધ ઊભો કર્યો, જેના પ્રભાવે પ્રાપ્ત થયેલ સંપત્તિ તેને મૂચ્છ ઊભી કરાવી સાતમી નરકમાં લઈ ગઈ.
માટે જીવનમાં કદી પોતાના કે બીજાના સુકૃતોની નિંદા તો કરતા જ નહિ.
દેખીતું નાનું એક જ વખતના સુપાત્રદાનનું સુકૃત હોવા છતાં શાલિભદ્ર, ધન્ના વગેરેને જે વિશાળ સુખોની, શુભ પરંપરા પ્રાપ્ત થઈ, તેમાં અનુમોદના એ જ વિશિષ્ટ કારણ જણાય છે. (૪) સુકૃત-અનુમોદવાથી શુભના અનુબંધની પ્રાપ્તિ અને વૃધ્ધિ દ્વારા ભવાંતરમાં દેવ-ગુરુ-ધર્મ આદિ શુભ સામગ્રીની પ્રાપ્તિ - - સુકૃત-અનુમોદનાનું વિશિષ્ટ ફળ છે-શુભ કર્મની પરંપરાની વૃધ્ધિ. પંચસૂત્રકાર મહર્ષિ ફરમાવે છે કે -
आसगलिज्जंति परिपोसिज्जंति निम्मविज्जति सुहकम्माणुबंधा । साणुबंधं च सुहकम्मं पगिळं पगिट्ठभावज्जिअं नियमालयं सुपउत्ते विअ महागए सुहफले सिआ, सुहपवत्तगे सिआ, परमसुहसाहगे सिआ।
ભાવાર્થ :- આનાથી (સુકૃત-અનુમોદનાથી) શુભ કર્મના અનુબંધનો સંચય થાય છે, પોષણ થાય છે અને નિર્માણ થાય છે. તથા અનુબંધવાળું એવું શુભ કર્મ પ્રકુટ બને છે. પ્રકૃષ્ટ ભાવથી ઉપાર્જિત થાય છે. અને સમ્ય રીતે યોજાયેલ મહા-ઔષધની જેમ શુભ ફળને નિયમા આપનાર થાય છે. શુભ પ્રવૃત્તિને કરાવનાર થાય છે અને પરમસુખનું એટલે કે મુક્તિનું સાધક બને છે.
સુકૃતોની અનુમોદના સુકૃતના પક્ષપાત રૂપે હોઈ, સુકૃતથી ઊભું થયેલ પુણ્ય જ્યારે ઉદયમાં આવે છે, ત્યારે આત્માને શુભમતિ આપે છે, અને તે શુભમતિ દ્વારા નવાં સુકૃતો કરાવી પુણ્ય પરંપરાનો વિસ્તાર કરે છે, આમ વિસ્તૃત થતું પુણ્ય દેવાધિદેવ;
બહુરના વસુંધરા-ભાગચોથો ૧૩૩ પાઠ્ય
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |