SearchBrowseAboutContactDonate
Page Preview
Page 578
Loading...
Download File
Download File
Page Text
________________ પાછા ફરતી વખતે સંઘવી તરફ્થી બધી વ્યવસ્થા હોવા છતાં પણ તેનો સ્વીકાર ન કરતાં, રસ્તામાં જૈન-જૈનેતર વસ્તીના અભાવે નિર્દોષ ગોચરીની અશક્યતા હોવાથી ૧૫-૧૫ દિવસ સુધી ચણા આદિ સૂકી વસ્તુઓથી જીવન નિર્વાહ કર્યો !... ગુરુણીનો આવો આચાર જોઇને શિષ્યાઓએ પણ તેમનું અનુકરણ કર્યું !!!... આ સાધ્વીજી ભગવંતે યાવજ્જીવ માટે ફરસાણ, મેવો અને ફ્રૂટનો ત્યાગ કરેલ છે. તદુપરાંત છેલ્લા કેટલાક વર્ષોથી ચાતુમાંસમાં મિષ્ટાન્ન, કંડક વસ્તુ, કડા વિગઇ આદિના ત્યાગ પૂર્વક માત્ર ત્રણ જ દ્રવ્ય વાપરે છે ! તેમણે વીશસ્થાનક, અઠ્ઠાઇ, અઠ્ઠમ આદિ વિશિષ્ટ તપશ્ચર્યાઓ પણ કરેલ છે. બાહ્ય તપની સાથે સાથે સંસ્કૃત-પ્રાકૃત વ્યાકરણ, રત્નાકરાવતારિકા સુધી ન્યાયના ગ્રંથો, કમ્મપયડી સુધીનું કર્મ સાહિત્ય, આચારાંગઉત્તરાધ્યયન સૂત્ર આદિ આગમો વિગેરેનું સુંદર અધ્યયન કર્યું છે. તેમનું ઉત્કૃષ્ટ સંયમ જીવન જોઈને અનેક ગ્રેજ્યુએટ થયેલી યુવતીઓએ તેમની પાસે સંયમ ગ્રહણ કરેલ છે. તેમાંથી મોટા ભાગના સાધ્વીજી ભગવંતો વર્ષમાં માત્ર એક જ વાર વસ્ત્રોનો સાબુથી કાપ કાઢે છે !... કેટલાક સાધ્વીજી ભગવંતોને યાવજ્જીવ મિષ્ટાન્ન, ફરસાણ, ફ્રૂટ આદિનો ત્યાંગ છે. મોટા ભાગના સાધ્વીજી ભગવંતો ઓછામાં ઓછા એકાશણાનો તપ કરે છે, કેટલાક પોતાના હાથે જ કેશલોચ કરે છે, કેટલાક સાધ્વીજીઓએ કમ્મપયડી, ખવગસેઢી વિગેરેનો પણ અભ્યાસ કરી લીધો છે !.....શ્રાવિકા શિબિરનું આયોજન પણ દર વર્ષે તેમની નિશ્રામાં થાય છે. - આ શાસન પ્રભાવક સાધ્વીજી ભગવંતના નામનો પૂર્વાર્ધ જેટલા પ્રમાણમાં આપણી પાસે હોય તેટલા પ્રમાણમાં સાનુકૂળ સંયોગો અને સામગ્રીની પ્રાપ્તિ થાય છે; તથા ઉત્તરાર્ધ દરેકના હાથમાં ઓછે વત્તે અંશે હોય જ છે. તેમનું સંપૂર્ણ નામ પણ દરેકના હાથમાં ઓછા-વત્તા પ્રમાણમાં હોય જ છે !... તેમના સંસારી પરિવારમાંથી કુલ ૬ જણાએ દીક્ષા લીધેલ છે તેમાંથી તેમના બે કાકા હાલ આચાર્ય તરીકે સુંદર શાસન પ્રભાવના કરી રહેલ છે. ૧૦૮ : તપ-જપથી કેન્સરને કેન્સલ કરતા ઉત્કૃષ્ટ આરાધક સાધ્વીજી ૧૬ વર્ષની વયે દીક્ષિત થઇને આજે ૪૮ વર્ષનો દીક્ષા પર્યાય ધરાવતા એક ઉત્કૃષ્ટ આરાધક, અને જિનશાસનના શણગાર એવા એક બહુરત્ના વસુંધરા-ભાગ ત્રીજો = ૧૦૯
SR No.006139
Book TitleBahuratna Vasundhara
Original Sutra AuthorN/A
AuthorMahodaysagar
PublisherKastur Prakashan Trust
Publication Year1996
Total Pages684
LanguageGujarati
ClassificationBook_Gujarati
File Size16 MB
Copyright © Jain Education International. All rights reserved. | Privacy Policy