________________
(૬) 'એક જ દ્રવ્યથી ઠામચોવિહાર ૫૦ ઓળીના આરાધક શ્રી
'ગોહીલ દાનુભાઇ રવાભાઇ દરબાર
પ.પૂ.આ.ભ.શ્રી વિજયરામચંદ્રસૂરીશ્વરજી મ.સા.,પ.પૂ.આ.ભ.શ્રી વિજયમાનતુંગસૂરીશ્વરજી મ.સા., પ.પૂ.આ.ભ.શ્રી વિજયપુણ્યપાલ સૂરીશ્વરજી મ.સા., પ.પૂ.આ.ભ.શ્રી વિજય કલાપૂર્ણસૂરીશ્વરજી મ.સા.,પૂ.મુનિરાજ શ્રી કાંતિવિજયજી મ.સા., વિગેરેના પ્રવચન શ્રવણ દ્વારા છેલ્લા ૪૦ વર્ષથી જૈનધર્મની વિશિષ્ટ કોટિની આરાધના કરતા શ્રી દાનુભાઈ દરબાર(ઉ.વ.૭૩)ના જીવનની વિશેષતાઓનો પરિચય સં.૨૦૪૯ના પોષ મહિનામાં સુરેન્દ્રનગરમાં જ થયો.
શ્રાવક કુળમાં જન્મ પામવા છતાં અને રોજ પ્રભુપૂજા, તપશ્ચર્યાદિ આરાધના કરવા છતાં ઉભયટંક પ્રતિક્રમણ કરનારા શ્રાવકશ્રાવિકાઓની સંખ્યા ઉત્તરોત્તર ઘટતી જાય છે ત્યારે દાનુભાઇ દરબારનો ધાર્મિક ક્રિયાઓ પ્રત્યેનો અનન્ય સદ્ભાવ ખરેખર પ્રેરણાદાયક અને અત્યંત અનુમોદનીય છે.
તેઓ રોજ ઉભયટંક ઉપાશ્રયમાં આવીને પ્રતિક્રમણ કરે છે. સવારનાં કદાચ બીજા કોઈ પ્રતિક્રમણ કરનાર ન મળે તો પણ તેઓ એકલા પણ રાઈ પ્રતિક્રમણ અચૂક કરે જ !
રોજ ભાવોલ્લાસપૂર્વક જિનપૂજા કરતા દાનુભાઇ સુરેન્દ્રનગરના બધા જિનાલયોના દર્શન કરાવવા માટે અમારી સાથે હોંશે હોંશે ચાલ્યા હતા અને ૭૦ વર્ષની ઉંમરે પણ ૨૫ વર્ષના તરવરિયા યુવાનની માફક ફૂર્તિપૂર્વક ચાલતા હતા.
તેમણે વર્ધમાન આયંબિલ તપની ૫૦ ઓળી ઠામચોવિહાર સાથે ફક્ત એકેક દ્રવ્યથી જ કરી છે!દા.ત. કોઈ ઓળી ફક્ત મગથી તો કોઈ ઓળી ફક્ત ખીચડીથી જ કરી છે. ઘણા વર્ષોથી ચૈત્ર તથા આસો મહિનાની નવપદજીની ઓળી ચાલુ જ છે. મહિનામાં પાંચ તિથિ આયંબિલ ચાલુ જ છે.
દોઢ વર્ષ સળંગ એકાસણા કર્યા બાદ હાલ આઠ વર્ષથી
૨૨
