________________
વર્ધમાન આયંબિલ તપનો પાયો નાખી અત્યાર સુધીમાં ૩૫ જેટલી ઓળીઓ કરી લીધી.તેમજ સમ્યકજ્ઞાનની આરાધના માટે જ્ઞાનપંચમી તપ પણ વિધિપૂર્વક કર્યું.
જયણાપ્રેમી રામસંગભાઈ લઘુશંકા, વડીનીતિ કે સ્નાનનું પાણી પણ ગટરમાં ના પરઠવતાં પારિષ્ઠાપનિકા સમિતિના ઉપયોગપૂર્વક નિર્જીવભૂમિમાં પરઠવે છે.
દરરોજ બે ટાઈમ પ્રતિક્રમણ તથા પર્વતિથિએ પૌષધ ગ્રહણ કરે
દરેક તીર્થકર ભગવંતો જેની આરાધના દ્વારા આગલા ત્રીજા ભવે તીર્થંકર નામ કર્મ બાંધે છે તે વિશસ્થાનકનો મહિમા સાંભળીને રામસંગભાઈએ પણ વીશસ્થાનક તપનો પ્રારંભ કર્યો અને ૩વર્ષ તથા ૩ મહિનાના ટૂંકા ગાળામાં ૩૮૦ ઉપવાસ તથા ૨૦૭ઢ સહિત વીશસ્થાનક તપ ચઢતા પરિણામે વિધિપૂર્વક પરિપૂર્ણ કર્યું. વિશિષ્ટ તપની પૂર્ણાહુતિ નિમિત્તે ઉજમણું કરવું જોઈએ એવી શાસ્ત્રવાણી અનુસાર રામસંગભાઈએ યથાશક્તિ પૂજા ભણાવવાપૂર્વક ઉજમણું કરવાનું વિચાર્યું ત્યારે તેમના માતા-પિતા ઉપરાંત ધર્મપત્ની ઝીકુબાઈ તથા નાનાભાઈ દીપસંગે ખૂબ જ ઉલ્લાસભર્યો સહયોગ આપ્યો અને સકળસંઘનું સાધર્મિક વાત્સલ્ય તથા સ્વજ્ઞાતિનું પ્રીતિભોજન તેમજ વિશસ્થાનકપૂજન તથા ત્રણ છોડના ઉજમણા સહિત જિનેન્દ્રભક્તિમય ત્રિદિવસીય મહોત્સવમાં રૂા. ૫૧ હજારનો સદ્વ્યય કર્યો.
મહોત્સવની રથયાત્રામાં તમામ દરબાર જ્ઞાતિજનોએ પણ ઉલ્લાસભેર ઉપસ્થિત રહી ભાવભરી અનુમોદના કરી હતી!
એક વખત રામસંગભાઇના માતુશ્રી ધનબાઈએ જૈન પાઠશાળાના પ્રાધ્યાપક શ્રી જીતુભાઈને જમવાનું આમંત્રણ આપ્યું ત્યારે જીતુભાઈએ કહ્યું કે તમે કંઈ પણ વ્રત-નિયમ ગ્રહણ કરશો તો જ જમવાનું આમંત્રણ સ્વીકારીશ અને તરતજ માતા ધનુબાઈએ નિયમિત જિનપૂજા તથા ચોવિહાર કરવાની પ્રતિજ્ઞા લીધી. જે આજે પણ અખંડ રીતે ચાલુ છે. તેઓ પણ જાતે જ સુખડ ઘસીને જિનપૂજા કરે છે.
રામસંગભાઈના ધર્મપત્ની પણ જિનદર્શન, સૂતાં-ઊઠતાં ૧૨
૨૦
