Page Text
________________
કેવો સુંદર વૃત્તિસંક્ષેપ તપ !!!... રસનેન્દ્રિય તથા આહાર સંજ્ઞા ઉપર કેવો અદ્ભુત કાબુ !!!
તમામ મિષ્ટાન્ન - ફરસાણ - ફ્રૂટ - મેવો વિગેરેનો ત્યાગ કરી માત્ર શરીરને પરિમિત ભાડું આપીને તેમાંથી સાધનાનો વધુ ને વધુ કસ કાઢવાનો કેવો સુંદર કીમિયો !!!
રોજ એક જ પ્રકારના દ્રવ્યો વાપરવાના છતાં “ચેઈન્જની કોઈ અપેક્ષા નહિ. કંટાળો નહિ. કેવી સુંદર અંતર્મુખતા !... આત્માનંદીતા ... ધન્ય એ મહાત્માઓને ...
૩૪ : અપરિચિત પ્રદેશોમાં ઉગ્ર વિહારોમાં પણ નિર્દોષ ગોચરીના ગવેષક મહાત્માઓ !!!
ત્રણેક વર્ષ પહેલાં સાગર સમુદાયના પૂજ્યોની નિશ્રામાં સુરતથી સમેતશિખરજી મહાતીર્થનો છ'રી પાળતો સંઘ નીકળ્યો હતો. તેમાં એ સમુદાયના બે મહાત્માઓ સંઘના રસોડેથી ગોચરી ન વહોરતાં ૧-૨ કિ.મી. દૂર ગામમાંથી જૈન કે અજ્જૈન ઘરોમાંથી નિર્દોષ ગોચરી વહોરીને વાપરતા ...
સંઘમાં દરરોજ મિષ્ટાન્ન - ફરસાણ આદિ અનેક મનગમતી વસ્તુઓ હોય છતાં સ્વેચ્છાએ તેનો પરિત્યાગ કરીને... એક જ ઠેકાણેથી બધી ગોચરી ન વહોરતાં અનેક ઘરોમાંથી થોડું થોડું વહોરીને સાચા અર્થમાં “ગો-ચરી”ની ગવેષણા કરતા એ મહાત્માઓને જોઈને અનેક આત્માઓના અંતરમાં અહોભાવ તથા અનુમોદના દ્વારા ધર્મબીજનું વપન થઈ જતું હતું !... ધન્ય તે મહાત્માઓને !... બંને મહાત્માઓના નામનો ઉત્તરાર્ધ જ્યોતિષમાં સૌથી મહત્ત્વના ગ્રહને સૂચવે છે. એક મહાત્માનું નામ પ્રભુ મહાવીરસ્વામી ભગવાનના સમયમાં થઈ ગયેલા એક સુપ્રસિદ્ધ રાજર્ષિનું નામ છે. માત્ર ઈરિયાવહી સુધી આવડતું હોવા છતાં તેમણે દીક્ષા લીધી અને હાલ રોજ ૫ ગાથા ગોખે છે તથા ૫૦૦ ગાથાનો સ્વાધ્યાય કરે છે. એકાશણાંથી ઓછું પચ્ચક્ખાણ કરતા નથી. ગુરુ સમર્પણભાવ ગજબનો છે. ઘણીવારે રાત્રે ૩-૪ કલાક કાઉસ્સગ્ગ કરે છે.
બીજા મહાત્માના નામનો પૂર્વાર્ધ સિદ્ધચક્ર પૂજનમાં જે ૨૮... નું પૂજન થાય છે તે છે.
બહુરત્ના વસુંધરા-ભાગ ત્રીજો – પર
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |