________________
(૪)
ક્રોડ નવકારના આરાધક નિદ્રા વિજેતા જયંતિલાલ જયરામભાઇ વીરાણી (પટેલ)
જામનગરમાં પટેલ જ્ઞાતિમાં જન્મ પામેલા ગવર્મેન્ટ ડીપ્લોમા ઇલેકટ્રીક થયેલા જયંતિલાલભાઇ (ઉ.વ.૫૨) વિદ્વવર્ય પૂ. ગણિવર્ય શ્રી અરૂણવિજયજી મ.સા.નું ચાતુર્માસ જામનગરમાં ૧૨ વર્ષ પહેલાં થયેલ ત્યારથી તેમના પ્રવચન-સત્સંગથી પૂર્વજન્મના જૈનત્વના સંસ્કાર જાગ્રત થતાં જૈન ધર્મ પામ્યા છે. હાલ તેમની વિશિષ્ટ દિનચર્યા નીચે મુજબ છે. તેઓ રાત્રિના પથારી કરીને સૂતા નથી પરંતુ બેઠા બેઠા જ અલ્પતમ આરામ કરીને પરોઢિયે ૩ વાગે સામાયિક લઇને પદ્માસનમાં બેસીને નવકાર મહામંત્રનો જાપ કરે છે.
૧ ક્રોડ નવકારના જાપ કરવાની ભાવના સાથે રોજ લગભગ ૩૩ બાંધી નવકારવાળી ગણે છે. હાલમાં જ તેમના ૧ ક્રોડ નવકારજાપ પૂર્ણ થયેલ છે.
ઉભયટંક પ્રતિક્રમણ તથા નિયમિત સ્વદ્રવ્યથી અષ્ટપ્રકારી જિનપૂજા કરે છે. હંમેશાં બ્યાસણાનું પચ્ચક્ખાણ કરે છે. ચાર વર્ષથી જ્ઞાનપંચમીના બંને પાંચમના ઉપવાસ કરે છે. પ્રથમ બ્યાસણું જિનપૂજા પછી તથા બીજીવાર દુકાનેથી પાછા આવીને બપોરે ૨ વાગ્યે કરે છે. રોજ સૂર્યાસ્તથી ૯૬ મિનિટ પહેલાં ચોવિહારનું પચ્ચક્ખાણ કરે છે.પ્રથમ બ્યાસણું કર્યા પછી વીરાણી ઇલેક્ટ્રીક સ્ટોર્સ નામે પોતાની દુકાને જતાં પહેલાં રોજ ઓછામાં ઓછા ૧૦રૂા. જીવદયાના કાર્યો(કબૂતરને ચણ, કીડીને સાકર, માછલીને લોટ, કૂતરાને રોટલા ઇત્યાદિ) માં ખર્ચે છે. ૯ વર્ષથી સજોડે બ્રહ્મચર્ય વ્રત સ્વીકારેલ છે.
પહેલાં વર્ષમાં ૬ અઠ્ઠાઇ દરમ્યાન ૮-૯ ઉપવાસ કરતા. હજી પણ પર્યુષણમાં ૮ ઉપવાસ કરે છે.સિધ્ધિતપ પણ કરેલ છે. દર આઠમ પાંખીના ઉપવાસ કરે છે. અવારનવાર અઠ્ઠમ કરે છે. છેલ્લા ૩ વર્ષમાં વર્ધમાન આયંબિલ તપની ૩૩ ઓળી કરેલ છે. ૧૦૦ ઓળી તથા
૧૬
