________________
શકાય તેવી ઉપરોક્ત સિદ્ધિ તેઓશ્રીએ હાંસલ કરી છે. ગચ્છાધિપતિ આચાર્યપદે બિરાજમાન હોવા છતાં તેઓશ્રીની નમ્રતા અને સાદગી એવી અનોખી છે કે તેઓ મોટે ભાગે વ્યાખ્યાન કે ચાતુર્માસમાં રાત્રે સંથારો કરવા સિવાય પાટનો ઉપયોગ પ્રાયઃ કરતા નથી. નીચે જ બેસે છે. વસ્ત્રો પણ ખૂબ સાદા સામાન્ય મુનિ જેવા જ લાગે. સ્વભાવે પણ ખૂબ જ સરળ.
આ વર્ષે તેઓશ્રીની પાવન નિશ્રામાં જાખોડા તીર્થ (રાજસ્થાન) થી શિખરજી મહાતીર્થનો છ'રી પાળતો મહાન સંઘ નીકળેલ.
સિધ્ધાચલ શણગાર ટૂંક તથા ઘેટી પગલાની પાછળ આદપર ગામ પાસે વિશાળકાય આદિનાથ ભગવંતની અંજનશલાકા-પ્રતિષ્ઠા પણ તેઓશ્રીના વરદ હસ્તે થયેલ છે.
તેમના પવિત્ર નામમાં પરમાત્માના સાકાર અને નિરાકાર બને સ્વરૂપોનો સમાવેશ થાય છે આ
તેમના ગુરુદેવશ્રી પણ “ખાખી મહાત્મા' તરીકે પ્રખ્યાત આચાર્ય ભગવંત હતા.
હવે તો ઓળખી ગયા ને ગુરુ-શિષ્યની અનોખી જોડીને?
જો કદાચ જીવનમાં એકપણ વાર એમના દર્શન ન કર્યા હોય તેં જયાં સુધી એમના દર્શનનો લાભ ન મળે ત્યાં સુધી એકાદ વસ્તુના ત્યાગનો સંકલ્પ કરશો ને ?.. ધન્યવાદ. ( ) સળંગ 33 કલાક સુધી ધ્યાનમુદ્રામાં
સ્થિરતા કરતા આત્મજ્ઞાની આચાર્યશ્રી !!!
૨૨ વર્ષની ભર યુવાવસ્થામાં સં. ૨૦૨૫માં દિગંબર મુનિ દીક્ષાને અંગીકાર કરીને અપ્રમત્તપણે જ્ઞાન-ધ્યાનની વિશિષ્ટ સાધના અને વિનય-વૈયાવચ્ચ આદિ અનેક સદગુણોની યોગ્યતાને લીધે ગુરુ દ્વારા માત્ર ચાર જ વર્ષના દીક્ષા પર્યાયમાં (૨૦ વર્ષની નાની વયમાં) આચાર્ય પદ ઉપર આરૂઢ કરાયેલા એ મહાત્માની સાધનાની વાતો વર્તમાનકાળમાં હેરત પમાડે તેવી છે. * સાંપ્રદાયિક પૂર્વગ્રહથી મુકત થઈને ગુણગ્રાહી દષ્ટિથી, પ્રમોદ ભાવપૂર્વક આ દૃષ્ટાંત વાંચવા વિનંતિ.
- ૧૧
