Bahuratna Vasundhara

SR No.: 006139
Original Sutra Author: N/A
Author: Mahodaysagar
Publisher: Kastur Prakashan Trust
Publication Year: 1996
Total Pages: 684
Language: Gujarati
Classification: Book_Gujarati
File Size: 16 MB

Page 475

તેઓશ્રીએ ૭૨ વર્ષની વય સુધી દર વર્ષે ૨ વાર નવપદજીની આયંબિલ ઓળીની વિધિપૂર્વક આરાધના કરી છે. આમ અત્યાર સુધી ૧૦ હજારથી અધિક આયંબિલ તથા ૩ હજારથી અધિક ઉપવાસ કરનાર પૂજ્યશ્રીએ દીક્ષા બાદ એકાસણાથી ઓછું પચ્ચખાણ કદી કર્યું નથી !
૮૫ વર્ષની વયે સિદ્ધગિરિ અને ગિરનારની યાત્રા તથા અખંડ ૧૧૦૦ ઉપરાંત આયંબિલમાં વૈશાખ માસની ધીખતી ધરા પર માત્ર ૧૨ દિવસમાં રાજકોટથી અમદાવાદ સુધી ૨૨૫ કિ.મી. નો ઉગ્ર વિહાર કર્યો!...
આવી ઉચ-ઘોર અને ભીખ તપશ્ચર્યા કરનારા પૂજયશ્રીના અક્ષરના નામનો અર્થ “ચંદ્ર” એવો થાય છે. પોતાની જાત માટે વજથી પણ કઠોર અને બીજા જીવો માટે ફૂલથી પણ કોમળ અને ચંદ્રથી પણ શીતલ સૌમ્ય અને વાત્સલ્યસભર સ્વભાવને ધારણ કરનારા પૂજયશ્રીને રોજ સવારે ઊઠીને ભાવથી વંદન કરવા જોઈએ. પૂજયશ્રી હાલ અમદાવાદમાં બિરાજમાન છે. કેટલાક શ્રાવકો પૂજયશ્રી અમદાવાદમાં કોઈપણ ઠેકાણે બિરાજમાન હોય તો અચૂક એમના દર્શન-વંદન કર્યા વિના મુખમાં પાણી પણ નાખતા નથી!...
પૂજયશ્રીના વડિલ બંધુએ તેમનાથી પહેલાં દીક્ષા લીધેલ. તેઓ પણ આચાર્ય પદ ઉપર આરૂઢ થયેલ. પાંચ અક્ષરના તેમના નામનો અર્થ “ચંદ્રને જીતી લેનાર” એવો થાય છે. તેમનો જીવન બાગ પણ તપ, ત્યાગ, તિતિક્ષા, ગુરૂસમર્પણ, વાત્સલ્ય, ગંભીરતા, નિસ્પૃહતા, સ્વાધ્યાયપ્રેમ, આશ્રિતોની અનોખી સંયમ કાળજી, ક્રિયારૂચિ, નિરભિમાનતા, સમતા, સૌજન્ય આદિ અનેકાનેક ગુણો રૂપી ગુલાબથી મઘમઘતો હતો.
વળી તપસ્વી સમ્રાટ પૂજયશ્રીએ પોતાના સુપુત્રને માત્ર ૭ વર્ષ, ૪ મહિના અને ૧૮ દિવસનીબાલ્યવયમાં સંયમના પંથે વાળેલ. તેમણે પણ (૧) એક મહિનામાં આયંબિલ સહિત સિદ્ધગિરિની ૯૯ યાત્રા, (૨) એકાસણા સહિત ૯૯ યાત્રા (૩) ત્રણ થી ચાર વખત ગિરનારની ૯૯ યાત્રા (૪) ચોવિહાર છઠ્ઠ સાથે સિદ્ધગિરિની ર વાર ૭ યાત્રા વિગેરે વિશિષ્ટ આરાધના કરેલ. અનેક ગુણરત્નોની ખાણ હોવાથી “મનુષ્યોમાં રત્ન સમાન” અથવા તો “ઉત્તમ મનુષ્ય” એવા તેમના નામના અર્થને ચરિતાર્થ કરનારા આચાર્ય ભગવંત હતા. ર વર્ષ પહેલાં જ તેઓ સમાધિપૂર્વક ! કાલધર્મ પામ્યા છે. ઉપરોક્ત ત્રણેય સૂરિવરો “કમ સાહિત્ય નિપુણમતિ', સચ્ચારિત્ર ચૂડામણિ' “અજોડ બ્રહ્મમૂર્તિ તરીકે સુપ્રસિદ્ધ આચાર્ય ભગવંતના સમુદાયના છે.