Bahuratna Vasundhara

SR No.: 006139
Original Sutra Author: N/A
Author: Mahodaysagar
Publisher: Kastur Prakashan Trust
Publication Year: 1996
Total Pages: 684
Language: Gujarati
Classification: Book_Gujarati
File Size: 16 MB

Page 472

ચારિત્ર લીધા બાદ જિંદગીભર માટે છઠ્ઠના પારણે આયંબિલ કરવાનો ઘોર અભિગ્રહ લેનાર અને કઠોર સંયમની સાધના કરનાર પન્ના અણગારના જીવન ચરિત્રને સાંભળી આપણા હાથ જોડાઈ જાય છે, માથું નમી જાય છે અને સ્ટયમાં તેમનાં ઉપર ભારોભાર બહુમાન ઊભું થઈ જાય છે. તે જ રીતે વર્તમાનમાં પણ ઘનાજીના જીવનની ઝાંખી કરાવનારા, જેમના વિવિધ તપોની યાદી વાંચીને આપણા રૂંવાડા ખડા થઈ જાય અને મુખમાંથી આશ્ચર્યના ઉદ્ગારો નીકળી જાય તેવો ઘોર તપ કરનારા એક આચાર્ય ભગવંતશ્રી વર્તમાન કલિકાલમાં પણ વિદ્યમાન છે એ આપણા માટે આનંદ અને અહોભાવપ્રેરક બીના છે.
આ મહાપુરુષે ૨૭ વર્ષની ભરયુવાનીમાં હર્યા ભર્યા સંસારનો ત્યાગ કરી સંયમના માર્ગે સંચરણ કર્યું. નાનપણથી લોખંડી સ્ટય અને મજબૂત મન ધરાવવાના કારણે ચારિત્ર લીધા બાદ ઘોર સાધનાનો યજ્ઞ માંડયો. વિહાર હોય તો આયંબિલનો તપ અને સ્થિરતા હોય તો ઉપવાસ!... તે સાથે સંયમના યોગોનું સુવિશુદ્ધ પાલન, નિદોર્ષ ગોચરીનો આગ્રહ તેમજ સ્વાધ્યાય પ્રેમ આ બધાનો સુમેળ એ જ પૂજયશ્રીનું જીવન બની ગયું. વડીલોનો વિનય, વૈયાવચ્ચ, ભક્તિ અને આજ્ઞાપાલન આદિ દ્વારા ગુરુદેવોના પરમ કૃપાપાત્ર બની ગયા.
આજે ૯૦ વર્ષની વયે પણ છેલ્લા સળંગ ૧૩ વર્ષથી (વચ્ચે ૯૨ દિવસના એકશણા સિવાય) આયંબિલનો તપ કરી રહ્યા છે. તેમાં પણ દિવસે પ્રાયઃ કરીને સૂવાનું નહીં. આખો દિવસ જાપ અને સ્વાધ્યાય. ૨૦ અને ૨૨ કિ.મી. ના લાંબા વિહારોમાં પણ ડોલીનો ઉપયોગ કરવો નહિ!
આવો આપણે આવા મહાન તપસ્વી આચાર્ય ભગવંતની તપશ્ચર્યાની ઝલક વાંચીને પાવન થઈએ. સાચા ભાવે અનુમોદના અને વંદના કરીએ અને એ દ્વારા આપણે પણ તપગુણને પ્રાપ્ત કરીએ.
તપસ્યા કરતાં કરતાં હો કે ડંકા જોર બજાયા હો (૧) તીર્થકર વર્ધમાન તપ. ચડતા ક્રમે ૧ ઉપવાસથી ૨૪ ઉપવાસ સુધી, તેમ
ઊતરતા ક્રમે ૧ ઉપવાસથી ૨૪ ઉપવાસ સુધી કુલ ૬૦૦ ઉપવાસ.
વિશેષતા ? (A) ૨૨મા શ્રી નેમિનાથ ભગવાનના સળંગ ૨૨ ઉપવાસ કરી ૨૩ મા દિવસે શ્રીસિદ્ધગિરિની યાત્રા કરી પારણું આયંબિલથી કર્યું. (B) ૨૩ માં પાર્શ્વનાથ ભગવાનના સળંગ ૨૩ મા ઉપવાસે જૂનાગઢથી ગિરનાર તળેટીની યાત્રા કરી આયંબિલથી પારણું કર્યું. (C) ઊતરતા ક્રમે શ્રી આદીશ્વર ભગવાનના ૨૪