Page Text
________________
એમણે દિવસોનાં દિવસો સુધી જાતે દવા વગેરે કરી છોકરીને સાજી કરી. છોકરીના સંબંધી ડોક્ટર તો તાજુબ થઈ ગયા કે આ દર્દી આ રીતે સાજા થયા શી રીતે ? બાલાભાઈએ ગાયોની પણ ખૂબ સેવા કરેલી.
૧૪૩ઃ એક જ પ્રવચનથી સચિત્ત પાણીનો ત્યાગ કરી
આખરે સંયમ સ્વીકારતા સાયવના (મારૂતિ)
વર્ષો સુધી નિયમિત વ્યાખ્યાન શ્રવણ કરવા છતાં કેટલાક “પ્રવચન~ફ” આત્માઓના સ્વભાવમાં કે આચરણમાં ખાસ નોંધપાત્ર કશો જ સુધારો જણાતો નથી જ્યારે કેટલાક હળુકર્મી સુપાત્ર શ્રોતાઓ માત્ર એકાદવાર પ્રવચન સાંભળીને પોતાના જીવનમાં કેવું આશ્ચર્યપ્રદ સુખદ પરિવર્તન આણી શકે છે તે આપણે નીચેના વૃષ્ટાંતમાંથી જોઈશું.
આંધ્ર પ્રદેશમાં રાયચુરથી ૧૮ માઈલના અંતરે આવેલ કળચી ગામમાં ગંગેરૂ ગોત્રના પિતા હનમંતપ્પાના ફળમાં માતા તિખવાની કલિએ જન્મ ધારણ કરનાર સાયવન્ના (મારૂતિ)ને લગ્ન ગ્રંથીથી જોડાયા બાદ ધંધાર્થે વિવિધ ક્ષેત્રોમાં રહેવાનું થતાં એક વખત આજથી ૨૦ વર્ષ પૂર્વે કર્નલ (આંધ્ર પ્રદેશ) ગામમાં ઉપાશ્રયમાં પધારેલા જૈન મુનિનું એક જ વખત પ્રવચન સાંભળ્યું અને તેમાં પાણીના એક ટીપામાં અપ્લાયના અસંખ્ય જીવોની વિરાધનાનું સ્વરૂપ સાંભળીને જોરદાર વૈરાગ્ય પ્રગટ્યો અને તે જ ક્ષણે સચિત્ત પાણી નહિ. વાપરવાનો નિયમ લઈ નિત્ય બીયાસણાનો પ્રારંભ કરી ધાર્મિક અધ્યયનાર્થે બેંગ્લોર આવી ત્યાં ખૂબ જ ઉલ્લાસપૂર્વક ધાર્મિક અભ્યાસ કરી ચાતુમસ પૂર્ણ થતાં ગુંટૂર નગરે સં. ૨૦૩૨માં ચતુર્વિધ સંઘની ઉપસ્થિતિમાં સંયમ કે સ્વીકારી પ.પૂ. આચાર્ય ભગવંત શ્રીવિજય નીતિસૂરીશ્વરજી મ.સા. ના સમુદાયના
પ. પૂ. શ્રી કસ્તૂરવિજયજી મ. સા. ના પ્રશિષ્ય મુનિશ્રી રાજતિલક વિજય બન્યા. હાલ સંયમજીવનની ખૂબ જ સુંદર આરાધના કરી રહેલ છે. તેમની પ્રેરણાથી રાજસ્થાનમાં જાલોર પાસે ગોવિંદપુર તીર્થમાં કીર્તિસ્તંભનું ભવ્ય નિમણિકાર્ય ચાલી રહેલ છે.
ચાલો આપણે પ્રસ્તુત દ્રષ્ટાંતમાંથી પ્રેરણા મેળવીને, એક કાનથી હું પ્રવચન સાંભળીને બીજા કાનેથી કાઢી નાખનાર ચાળણી જેવા શ્રોતા ન બનીએ... પ્રવચનમાં સાંભળેલી વાતો માત્ર મુખ દ્વારા બીજાને સંભળાવીને સંતોષ માની લેનાર શ્રોતા પણ ન બનતાં જીવનમાં આત્મસાત્ કરનાર સાચા શ્રોતા બનવાનો દ્રઢ સંકલ્પ કરીએ.
'
M
'બહુરત્ના વસુંધરા-ભાગ બીજો ૩૧૦ NS
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |