________________
પ્રિય વાચકો ! જોયુંને ? જાતે ભાવસાર હોવા છતાં વનમાળીદાસભાઈ જિનેશ્વર ભગવંતની આજ્ઞાઓનું કેવું સુંદર પાલન | કરી રહ્યા છે? માટે જ તો કહ્યું છે ને કે : "જાતિ વેષનો ભેદ નહિ, કહ્યો માર્ગ જો હોય; સાધે તો મુક્તિ લહે, તેમાં ભેદ ન કોય"
'આ તો પાળે એનો ધર્મ છે. શૂરાઓનો ધર્મ છે!... પ્રભુનો મારગ છે શૂરાનો, નહિ કાયરનું કામ જો ને, પ્રથમ પહેલું મસ્તક મૂકી, વળતી લેવું નામ જોને...'
પ્રભુ "મહા-વીર"ના સંતાનો એવા આપણે આ વૃત્તાંત વાંચીને કર્મક્ષય માટે શૂરવીર અને ધીર-ગંભીર બનવાનો સંકલ્પ કરીશુંને ???
(૨) બો જ દ્રવ્યથી ૭૦ વર્ષ એકાસણા કરનાર
અડાલજના બ્રાહ્મણ
આજથી ૨૦ વર્ષ પહેલાં સં ૨૦૩૩માં ધર્મચક્રતપ પ્રભાવક પ.પૂ. પંન્યાસ પ્રવર શ્રી જગવલ્લભવિજયજી ગણિવર્ય મ.સા.વિહાર કરતાં અનુક્રમે ગાંધીનગર પાસે આવેલા અડાલજ ગામમાં પધાર્યા ત્યારે દેરાસર પાસે એક ભાઈએ તેમને "મર્થીએણ વંદામિ - સુખશાતા?" કહીને પૂછયું કે - 'મહારાજ સાહેબ વ્યાખ્યાન વાંચશો?"
મ.સા.એ કહ્યું કે, 'તમે આયોજન કરો તો મને વાંચવામાં વાંધો નથી.'
પેલા ભાઇએ કહ્યું કે - "મ.સા. વ્યાખ્યાનનું આયોજન તો શ્રાવકો કરી શકે."
મ.સા.એ આશ્ચર્ય સાથે પૂછયું કે - 'શું તમે શ્રાવક નથી'? 'હું બ્રાહ્મણ છું,' પેલા ભાઈએ ખુલાસો કર્યો. 'તો પછી તમને જૈન સાધુના વ્યાખ્યાન શ્રવણનો આટલો રસ
