Page Text
________________
૧૧૧ : લગ્ન થવા છતાં આબાલ બ્રહ્મચારિણી વિજયા બેનનું વિસ્મયકારક વિરલ વિમલ વ્યક્તિત્વ
[આ જ પુસ્તકમાં આબાલબ્રહ્મચારી દંપતિ જતીનભાઈ અને ભારતીબેનનું દૃષ્ટાંત આપણે આગળ વાંચી ગયા. તેમાં ભારતીબેન (સા. શ્રી ભવ્યગુણાશ્રીજી)ના ગુરુણી સા. શ્રી વસંતપ્રભાશ્રીજીના અદ્ભુત જીવનવૃત્તાંતને જતીનભાઈમાંથી જયદર્શનવિજયજી બનેલા સિદ્ધહસ્તલેખક મુનિરાજશ્રીએ વિશિષ્ટ શૈલિમાં આલેખેલ, “ધર્મધારા” માસિકના ઈ.સ. ૧૯૯૫ના જાન્યુઆરી મહિનાના અંકમાં પ્રગટ થયેલ લેખ અત્રે સાભાર ઉદ્ધૃત કરવામાં આવેલ છે. -સંપાદક.]
સંસરણ કરે રાખે તે પણ સંસાર, અને જેમાં સર્વત્ર અસાર સમભાગે સર્જાયેલું સહજમાં સાંપડે, તે પણ સંસાર. મનની મુરાદો ને મનસ્વીઓના માનનું મર્દન કરી મર્દને નામર્દ જેવો માયકાંગલો કરી નાખતો આ સંસાર મારા મિત્રને પણ દસ વર્ષ પહેલાં સારભૂત ભાસતો હતો, કારણ કે તેને એક કોડિલી કન્યા જડી હતી, પણ આજે તે કોડિલીએ તેને કોડીના મૂલ્ય જેવોય નહોતો રહેવા દીધો. દસ વર્ષ પહેલાંનાં ક્રોડક્રોડ અરમાનો આજે આમળાઈ-ચીમળાઈ ને ભસ્મવત્ બની ગયાં હતાં, કારણ કે જે પરણિતા માટે મિત્ર મનને માતા-પિતા, ભાઈ-ભાંડુઓથી દૂર દૂર થઈને પોતાની પત્ની માટે પાથરી દીધું હતું, તે પોતાની આજે પરાઈ બની ગઈ હતી, ન જાણે નજીવી નજીવી બાબતોમાં રૂસણાં ને રોદણાં કરી-કરાવી તેણી ન સાસરિયાંની કે ન પિયરિયાંની તેવી તુમાખી બની ગઈ હતી. મિત્રે ઘણા પ્રયત્ન કરી લીધા, પણ જ્યારે તેનું ભાગ્ય ભરડાઈ ગયેલું જાહેર થઈ ગયું, ત્યારે તે પોતાની વ્યથાને વહન ન કરી શક્યો ને મારી પાસે આવી પોતાની વીતક વિલાપમય સ્વરમાં સંભળાવવા લાગ્યો. તેની મનોવેદના તેના મુખે મરડાઈ મરડાઇ કલવાઈ રહી હતી. તેની વાતોનો વાયરો વાવાઝોડું બને તે પહેલાં જ મારે મધ્યસ્થી સંભાળવી યોગ્ય લાગી ને મેં કહ્યું...
“મિત્ર ! ગાજ્યા મેહ વરસ્યા વગર જાય. તારી પત્નીનો પલટો પણ તેવી જ કુદરતની લીલા સમજજે. આ સંસારમાં કોઈંકની માનિની તો કોઈકની ભગિની, કોઈકના પિતા કે કોઈકના ભ્રાતા, કોઈકની માતા કે કોઈકની પરણિતા, મિત્ર-કલત્ર સૌ કોઈ ઋણાનુબંધમાં અવળાં-સવળાં ઊતરી શકે છે. તેમાંય ભવોભવની ભ્રમણા ભાંગી નાખી ભગવાનની ભક્તિ ભણી લઈ જનાર નારી કે સન્નારી તો લાખોમાં એકને પણ ભાગ્યે જ મળે. સગાઈથી
બહુરત્ના વસુંધરા-ભાગ બીજો ૨૫૫
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |