________________
(૧)
કાયમ ઠામચોવિહાર અવટ્ટ એકાશણાના અજોડ આરાધક વનમાળીદાસભાઇ જગજીવનદાસ ભાવસાર (ઉ.વ. ૬૯) (સત્સંગનો પ્રભાવ)
ગુજરાતમાં મહેસાણા જિલ્લામાં મહુડી પાસે આવેલા વાપુર ગામમાં સં. ૧૯૮૫માં મા.સુ.૧૪ તા ૨૫-૧૨-૨૮ના જન્મેલા વનમાળીદાસભાઇના પિતાશ્રી જગજીવનભાઇ ભાવસાર કપડા રંગવાનો રંગાટનો ધંધો કરતા અને કુળ પરંપરાગત વૈષ્ણવ ધર્મ પાળતા હતા. પરંતુ કપડા રંગાવવા માટે આવતા શ્રાવકોના પરિચયથી તેમને અહિંસા પ્રધાન જૈન ધર્મનો રંગ લાગી ગયો! પરિણામે કપડા રંગવામાં ઉકાળેલા પાણી દ્વારા થતી અપ્કાય તેમજ ત્રસકાય જીવોની પુષ્કળ વિરાધનાથી તેમનું હદય દ્રવી ઊઠયું અને તેમણે એ ધંધાને તિલાંજલિ આપી દીધી. સંગ તેવો રંગ અને સોબત તેવી અસર તે આનું નામ !..
૭ વર્ષની બાલ્યવયમાં વનમાળીદાસભાઇ પોતાના પિતાશ્રી સાથે અમદાવાદ આવ્યા. કોઇની પણ સત્પ્રેરણાનો તરત અમલ કરવાનો જન્મજાત સ્વભાવ ધરાવતા તેમણે એ જ વર્ષે અમથીબા નામના વિધવા શ્રાવિકાની પ્રેરણાથી નવકારશી તથા જિનપૂજા શરૂ કરી દીધી !..
સં.૨૦૦૫માં માત્ર ૨૦ વર્ષની વયે પૂ. માનવિજયજી મ.સા.ની પ્રેરણાથી યાવજ્જીવ સુધી નવકારશી તથા ચોવિહાર કરવાની પ્રતિજ્ઞા લીધી. તે વખતે તેમના લગ્નને માત્ર ૧ વર્ષ માંડ થયું હતું. ! ઉગતી યુવાનીમાં પણ નિયમબધ્ધ જીવન જીવવાની કેવી અનુમોદનીય ભૂમિકા!.. તેમના લગ્ન સં. ૨૦૦૪માં હીરાબેન સાથે થયાં હતા અને સં. ૨૦૨૦માં ૩૫ વર્ષની વયે સજોડે આજીવન બ્રહ્મચર્યવ્રત સ્વીકારી લીધું. તેમાં પણ નિમિત્ત સારા મિત્રની સોબત જ બની !..
બન્યું એવું કે - એક વખત તેમના એક મિત્રે કહ્યું કે - હું અંધારી રાતના પણ સોયમાં દોરો પરોવી શકું છું, કારણકે હું ૩૫ વર્ષથી બ્રહ્મચર્ય પાળું છુ તેથી મારી આંખોમાં એવી શક્તિ ઉત્પન્ન થઇ છે !.. આ પ્રસંગની તેમના માનસ ઉપર ઘેરી અસર થઇ અને તેમણે પણ
૧
