Page Text
________________
લઈને આવ્યો છે?”
મામા સરકારના જાહેર બાંધકામ ખાતાના જિલ્લા કક્ષાના વડા વિભાગીય ઈજનેર હતા અને અત્યારે સમગ્ર ગુજરાતમાં જ્યાં જ્યાં રસ્તામકાન-પૂલ આદિના કામમાં ગેરરીતિની ફરિયાદ રાજ્ય સરકારને મળતી ત્યાં એ ફરિયાદની તપાસ કરવા માટેના ખાસ એકમમાં સરકારે એમને નિયુક્ત કર્યા હતા. અત્યારે એ એક ગામના રેસ્ટ હાઉસમાં ઊતર્યા હતા. આવતી કાલે એ ગામની નજીક પૂલના બાંધકામમાં ગેરરીતિ થઈ નથી એ રીતની તપાસ તેમણે કરવાની હતી.
“એ બાંધકામમાં કોઈ ગેરરીતિ આચરાઈ નથી એવું પ્રમાણપત્ર લખી આપવાના બદલામાં એમને ખૂબ સારી રકમ મળશે એવી વાત એમના ભાણેજે એમને ઈજારદાર વતી કરી....
પોતાને ત્રણ બાળકીઓ અને બે બાળકો કોલેજ-શાળામાં ભણનાર હતા. સમાજમાં વ્યવસ્થિત વ્યવહાર ચલાવવા પૈસાની ખૂબ જરૂર રહેતી હતી. સામેથી જ પૈસાની પ્રાપ્તિની વાત આવી હતી, પણ આ ઈજનેર કોઈ જુદી જ માટીના હતા. એમણે પૈસા લેવાની વાત સ્વીકારી નહીં અને સ્પષ્ટ જણાવી દીધું કે પોતે પોતાની ફરજની રૂએ જે વાત પોતાની તપાસમાં પોતાને જાણવા મળશે તે જ વાત બહુ સ્પષ્ટ રીતે ઉપલા અધિકારીને લખી જણાવશે, પૈસો પોતાની પવિત્ર ફરજને આંતરી શકશે નહિ.
પણ મામા! આવી મોટી રકમ સામેથી મળવી સહેલી નથી. આવી રકમની સામેથી ઓફર કરનાર નહિ મળે.”
ભાણા! રકમ આપનાર તો હજી મળશે પણ ના પાડનાર નહીં મળે. પૈસા ખાતર હું મારા પ્રામાણિકતા ગુણને વેંચવા નથી માગતો.”
ઈજનેરે બહુ સ્પષ્ટ શબ્દોમાં જણાવી દીધું. આ અગાઉ એને પાલનપુર જિલ્લાના અછત વિસ્તારમાં ઈજનેર તરીકેની કામગીરી સોંપાઈ હતી. ખોટી હાજરી, ખોટા માપ લખવા દ્વારા લાખોની કમાણી થઈ શકે એવા પ્રસંગે એમણે નીતિમત્તા દ્વારા પોતાના આત્માને પવિત્ર રાખેલો. પ્રામાણિકતા. નીતિમત્તાના પરમ આદર્શવાળા એ છે શાંતિલાલ શિવલાલ શાહ નિવૃત્ત કાર્યકારી ઈજનેર, આજે પણ સુંદર આદર્શ શ્રાવક જીવન, દ્વારા એ પોતાનો મનુષ્ય જન્મ સફળ કરી રહ્યા છે.
સરનામું :- ૧૮/૧૦૫ વિજયનગર કોલોની, વિજયનગર, નારણપુરા, અમદાવાદ-૩૮૦૦૧૩. ફોનઃ ૭૪૮૨૩૧૩
બહુરત્ના વસુંધરા-ભાગ બીજો . ૧૯૮E
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |