Page Text
________________
સમજાવ્યું. શ્રાવકે મનોમન અક્રમ કરવાની તૈયારી કરી લીધી. માતા અને બોકડા તરફથી અનુકૂળ સંકેત મળતાં ભૂવો બોકડાને ન મારવા કબૂલ થયો.
એક પંચેન્દ્રિય જીવ બચાવ્યાનો મહાન આનંદ એ શ્રાવકને થયો. એમનું નામ બાબુલાલ મોહનલાલ શાહ,
૫૯ ઃ દૃઢ સમ્યગ્દર્શનપ્રેમી નેમિચંદજી કોઠારી
‘ગોર મહારાજ ! તમારી લગ્ન કરાવવાની ફી શું છે ? જુઓ આજે સાંજે જે લગ્ન છે એ વિધિમાં તમારે મને કોઈ દેવદેવીને કે સોપારીને પાણી ચડાવવું કંકૂનું તિલક કરવું કે ચોખા ચડાવવા વગેરે વાતો કરવી નહિ, તમારે તમારી વિધિ મુજબ બોલ્યા કરવું, હું મારે મનમાં જે બોલવાનું કે ક૨વાનું હશે તે કરીશ. તોને તમારી ફી પેટે હંમેશ કરતાં ડબલ ફી મળશે' મહારાષ્ટ્રના એક શહેરમાંથી એક રાજસ્થાનના યુવાનની જાન પરણવા આવી હતી. વરરાજા જૈનત્વની ખુમારીવાળા હતા. સુદેવ-સુગુરુ-સુધર્મને જ માનવા. એમને જ વંદનીય-પૂજનીય સમજવા એમ એનું સમકિત એને દૃઢ રીતે સમજાવતું હતું. લગ્નની વિધિમાં કોઈ ઈતર દેવદેવીનું પૂજન ભૂલથી પણ ન કરવું પડે માટે લગ્નના ગોરને અગાઉથી બોલાવી એ વાત એણે ગોરની સાથે નક્કી કરાવી લીધી.
મારે તો મારી લગ્નની ફી સાથે કામ છે, વરરાજા પૂજન કરે કે ન કરે મારે શું લેવા દેવા ?” એ સમજવાળા ગોર મહારાજે વાતને સહર્ષ વધાવી લીધી.
યોગ્ય સમયે લગ્નની વિધિ શરુ થઈ. ગોર મહારાજ સુંદર કપડાં પહેરી ઠાઠ બંધ લગ્નના શ્લોકો બોલવા લાગ્યા. સંગીતમયી એમની ભાષા વહેવા માંડી. ‘વરકન્યા કંકુથી પૂજા કરો... ચોખા ચડાવો... પાણીથી અંજલિ કરો' વગેરે શબ્દો અનુસાર કન્યા તો બધી વાતનો અમલ કરવા માંડી પણ વરરાજા આ વાત સાંભળતા જ ક્યાં હતા ? એ તો મનમાં પોતાના ઈષ્ટદેવનું સ્મરણ કરવામાં તલ્લીન હતા...
પોતાની સૂચનાનો અમલ ન થતાં ગોર મહારાજનો પિત્તો ફાટ્યો. વારંવા૨ જોર જોરથી સૂચના આપવા છતાં વરરાજા એની સૂચનાનો અમલ કરતાં નથી એટલે એ હવે વધુ ગરમ થઈ વરરાજા સાથે સીધા બોલચાલમાં આવી ગયા. વરરાજાએ પૂર્વે થયેલી વાતચીતની યાદ આપી પણ અત્યારે ગોર મહારાજ પોતાના પ્લેટફોર્મ પર હતા. એ અત્યારે નમતું જોખવા તૈયાર
બહુરત્ના વસુંધરા-ભાગ બીજો = ૧૬૮
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |