Bahuratna Vasundhara

SR No.: 006139
Original Sutra Author: N/A
Author: Mahodaysagar
Publisher: Kastur Prakashan Trust
Publication Year: 1996
Total Pages: 684
Language: Gujarati
Classification: Book_Gujarati
File Size: 16 MB

Page 295

અકસ્માત થયો ! એમના ડબ્બાના બધા મુસાફરો મરી ગયા. રતિભાઈ બચી ગયા ! કહ્યું છે કે- “ધર્મો રક્ષતિ રક્ષિતઃ ” અર્થાત્ જે કટોકટીમાં પણ ચુસ્ત રીતે ધર્મનું રક્ષણ કરે છે - ધર્મને વફાદાર રહે છે તો તેમનું ધર્મ પણ અચૂક રક્ષણ કરે જ છે ! રતિલાલભાઈના જીવન પ્રસંગો વાંચી સહુ ધર્મવૃઢતા કેળવો એ જ હાર્દિક શુભાભિલાષા.
૫૬ : પ્રતિવર્ષ સેંકડો બકરાની સામૂહિક બલિ પ્રથાને અટકાવતા શ્રાદ્ધવર્ય સુમતિભાઈ રાજારામ શાહ
આજે જ્યારે ચોમેર ભયંકર હિંસાનું તાંડવ નૃત્ય દિન-પ્રતિદિન માઝા મૂકી રહ્યું છે ત્યારે તેને નાથવા માટે તાતી જરૂર છે ગામે ગામમાંથી સુશ્રાવક શ્રી સુમતિભાઈ (ઉં. વ. ૫૫ લગભગ) શાહ જેવા કો'ક ભડવીર નરબંકાઓની. તો ચાલો આપણે સુમતિભાઈનું રોમહર્ષક દૃષ્ટાંત વિચારીએ.
મહારાષ્ટ્રમાં કોલ્હાપુર જિલ્લાના કાગલ તાલુકામાં લિંગનૂર (કાપસી) નામે એક નાનું ગામ આવેલું છે. આ ગામના લોકો પછાત વર્ગના છે. અજ્ઞાનતાને કારણે તેઓ અંધશ્રધ્ધાથી પ્રેરાઈને દર વર્ષે ૩ વખત અંબિકાદેવીની યાત્રા વખતે ૩૦૦ થી ૪૦૦ બકરાઓની બલિ ચઢાવતા હતા. એ લોકોની એવી માન્યતા હતી કે આ રીતે બકરાઓનું બલિદાન આપવાથી દેવી ખુશ થાય છે પરિણામે અનાજ ખૂબ ઊગે છે. કોઈપણ પ્રકારનો રોગચાળો થતો નથી. બકરાઓનું માંસ ખાવા માટે તેઓ સગા-વહાલા તથા મહેમાનોને આમંત્રણ આપે. દારૂની મહેફિલ જામે, માંસની જયાફત ઊડે અને આવા અનેક અપકૃત્યો દર વર્ષે વર્ષમાં ૩ વાર સામૂહિક રીતે થતા. આ ગામ મહારાષ્ટ્ર અને કર્ણાટકની સરહદ પાસે આવેલું છે.
લિંગનૂરથી થોડે જ દૂર કર્ણાટક રાજ્યના નિપાણી ગામમાં સુમતિભાઈ રાજારામ શાહ નામના સુશ્રાવક રહે છે. જીવદયાપ્રેમી આ શ્રાધ્ધવર્યને ધર્મના નામે ચાલતો આ સામૂહિક હત્યાકાંડ ખૂબ જ ખટકતો હતો. છેલ્લા ૧૫ વર્ષથી તેઓ આ હત્યાકાંડને અટકાવવા કઈક પ્રયત્નો કરતા પણ સફળતા મળતી ન હતી.
ફરી તા. ૨૬-૨-૯૨ના દિવસે આ યાત્રા અને બલિપ્રથાનો દિવસ આવી રહ્યો હતો ત્યારે સુમતિભાઈએ દૃઢ નિશ્ચય કર્યો કે આ વખતે તો કોઈ પણ ભોગે આ હત્યાકાંડ અટકાવવો જ છે. તેઓ ભગવાન શ્રી ચંદ્રપ્રભસ્વામીના જિનાલયમાં ગયા. પ્રભુના ચરણો પાસે મસ્તક ઢાળીને બહુરત્ના વસુંધરા-ભાગ બીજો = ૧૬૨