Page Text
________________
તેમની ધર્મદૃઢતાના થોડા અનુમોદનીય પ્રસંગો ટૂંકમાં જોઈએ. (૧) એકવાર સાંજે પ્રતિક્રમણ પછી તેઓ દેરાસરમાં કાઉસ્સગ્ગ કરી રહ્યા હતા. ભવિતવ્યતાવશાત્ પૂજારીને તેમની ઉપસ્થિતિ ખ્યાલ બહાર રહી ગઈ અને દેરાસરનો દરવાજો બંધ કરી દીધો. નિયત કાઉસ્ગગ પૂર્ણ થતાં હિંમતભાઈને આ બાબતનો ખ્યાલ આવ્યો પરંતુ તેમણે દરવાજો ખોલાવવા માટે કોઈ જ પ્રયત્નો ન કર્યા. ઊલટું ‘“આજે તો આખી રાત પ્રભુના સાંનિધ્યમાં ગાળવા મળશે’' એવી ભાવનાથી આખી રાત અપ્રમત્તપણે કાઉસ્સગ્ગમાં જ વીતાવી. સવારે પૂજારીએ દરવાજો ખોલ્યો ત્યારે જ ઉતાવળમાં પોતાના હાથે થયેલી ભૂલનો ખ્યાલ આવતાં તેણે માફી માંગી પરંતુ હિંમતભાઈએ તો તેને જરાપણ ઠપકો ન આપ્યો પરંતુ પ્રભુધ્યાનનો આવો ઉત્તમ અવસર મળવા બદલ આનંદ જ વ્યક્ત કર્યો ! કેવી અપ્રમત્તતા, અંતર્મુખતા અને પ્રભુ સાથે પ્રીત !!!...
(૨) ૫-૬ વર્ષ પહેલાં મહારાષ્ટ્રમાં અહમદનગરમાં સિદ્ધચક્રપૂજન ભણાવવા માટે હિંમતભાઈ ગયા હતા. ત્યારે મુંબઈથી કોલ આવ્યો કે ‘હમણાં જ પાછા આવો. તમારા ધર્મપત્નીની તબીયત એકદમ સીરીયસ છે !' પરંતુ દૃઢધર્મી એવા હિંમતભાઈએ જવાબ આપ્યો કે- સિદ્ધચક્ર પૂજન છોડીને અધવચ્ચે ન જવાય. જે થવાનું હશે તે થશે. વળી આ પ્રભુભક્તિથી જ તેને સારું થઈ જવું જોઈએ !' આ રીતે કહીને જરાપણ ચિંતા કર્યા વિના ખૂબ જ ભાવથી પૂજન ભણાવ્યું અને ધર્મપ્રભાવે તેમના ધર્મપત્નીની તબીયત પણ સારી થઈ ગઈ. કેવી અપૂર્વ ધર્મશ્રદ્ધા ! કેવો અનાસક્ત ભાવ !
(૩) એકવાર હિંમતભાઈના ઘરમાં સરકારી રેડ પડી. ધર્મશ્રદ્ધાથી ચાવીઓ સરકારી અમલદારોને સોંપી દઈ પોતે ભાવથી નવકાર ગણવા લાગ્યા. અધિકારીઓ કબાટમાં તપાસ કરે છે. ઘણા રૂપિયા વિગેરે હોવા છતાં તેમને દેખાયા નહિ ! આખરે તેઓ ચાવીઓ સોંપીને પાછા ચાલ્યા ગયા ! આનું નામ ‘‘ધર્મો રક્ષતિ રક્ષિત:'' આપણા દ્વારા રક્ષાયેલો (સારી રીતે પાલન કરાયેલો) ધર્મ અવસરે આપણું જરૂ૨ રક્ષણ કરે છે.
દશેક વર્ષે પહેલાં વાલકેશ્વરમાં હિંમતભાઈના ઘરે જવાનું થયું ત્યારે તેઓ સામાયિકમાં મૌનપૂર્વક જાપ કરી રહ્યા હતા. તેમનું સરનામુ નીચે મુજબ છે.
વિધિકાર શ્રી હિંમતભાઈ વનેચર, રતિલાલ ઠક્કર માર્ગ, ચંદનબાલા, વાલકેશ્વર, મુંબઈ ૪૦૦૦૬. ફોન ઃ ૮૧૨૯૮૮૫. હિંમતભાઈની ઉત્કૃષ્ટ આરાધનાની ભૂરિશઃ હાર્દિક અનુમોદના.
બહુરત્ના વસુંધરા-ભાગ બીજો | ૧૪૦
國
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |