SearchBrowseAboutContactDonate
Page Preview
Page 252
Loading...
Download File
Download File
Page Text
________________ કારણભૂત હોય છે. આ પૃથ્વીપટ ઉપર જન્મ લેતા પ્રત્યેક બાળકમાં મહાન થવાની શક્યતા રહેલી હોય છે. છતાં તેમાંથી કેટલાક મહાપુરુષ બને છે તો કેટલાક શયતાન જેવા થાય છે તેમાં મુખ્યત્વે જવાબદાર તેમની બાલ્યવસ્થામાં મળેલ શુભ-અશુભ સંસ્કારો હોય છે. આવો, આપણે સુસંસ્કાર પામેલા બાળ શ્રાવકરત્નો કેવા અદ્ભુત પરાક્રમો દાખવી શકે છે તેના કટેલાક દૃષ્ટાંતો જોઈએ અને આપણા આશ્રિત બાળકોના જીવનમાં પણ તેવા સુસંસ્કારોનું સીંચન કરવા કૃતનિશ્ચયી બનીએ. (૧) અઢી વર્ષના બાળકે કરેલો અઠ્ઠમ તપ ઃ વિ.સં. ૨૦૪૯ માં વલસાડમાં અધ્યાત્મયોગી પ.પૂ. આ. દેવ શ્રી વિજ્યકલાપૂર્ણસૂરીશ્વરજી મ.સા.ના શિષ્ય મુનિરાજ શ્રી પૂર્ણચન્દ્રવિજ્યજી મ.સા.ના ચાતુમસિ દરમ્યાન પ્રગટ પ્રભાવી શ્રી શંખેશ્વર પાર્શ્વનાથ ભગવાનના સમૂહ અઠ્ઠમ તપનું આયોજન થયેલ. જેમાં ૧૨૨ તપસ્વીઓ જોડાયા હતા. ત્યારે માત્ર ૨ વર્ષની ઉગતી બાલ્યવયના બાળ શ્રાવક જિનલકુમારે પણ આનંદપૂર્વક અઠ્ઠમ તપ કરેલ. શ્રી સંઘ દ્વારા ૨૫૦૦ રૂ।. ના પૂજા માટેના ચાંદીના ઉપકરણો વગેરે ભેટ આપીને તેનું બહુમાન કરવામાં આવ્યું હતું. આ બાળક જિનલ દોઢ વરસની ઉંમરથી નિત્ય જિનપૂજા, નવકારશી, રાત્રિભોજન ત્યાગ, ઊકાળેલું પાણી વિગેરે નિયમોનું ચુસ્ત રીતે પાલન કરે છે. આવા સુંદર સંસ્કાર તેના માતા શોભના બહેન તથા પિતા નવીનભાઈ શાહની કાળજીને આભારી છે. ભવિષ્યમાં આ બાળક સંયમના માર્ગે જાય એવી તેમની આશા છે. ધન્ય જિનલકુમાર ! ધન્ય માતા-પિતા. (૨) ૩ા વર્ષની ઉંમરે અઠ્ઠાઈ- ૫ વર્ષની વયમાં ૧૦ ઉપવાસ દહીંસર (હાલ મીરાં રોડ) માં રહેતા વિવેક નામના બાળકે માત્ર ૩૫ વર્ષની ઉંમરે અઠ્ઠાઈ તપ અને ૫ વર્ષની ઉંમરે ૧૦ ઉપવાસનો વિશ્વ વિક્રમ નોંધાવ્યો છે ! (૩) દોઢ વર્ષની વયે શ્રેયાંસકુમારે કરેલ ઉપવાસ. મુંબઈ વાલકેશ્વરમાં સં. ૨૦૪૯માં ચાતુર્માસ બિરાજમાન પ્રખર પ્રવચનકાર પ.પૂ. આ. શ્રી યશોવર્મસૂરિજી મ.સા.ની નિશ્રામાં માત્ર ૧|| વર્ષની ઉંમરના શ્રેયાંસકુમાર કેમલેશભાઈ શાહે કરેલ ૧ ઉપવાસ તેના માટે ઉગ્ર તપશ્ચર્યા સમાન ગણાય. આથી જ આ બાળકને સંઘે તપસ્વીરત્નનું બિરૂદ બહુરત્ના વસુંધરા-ભાગ બીજો = ૧૧૯ +
SR No.006139
Book TitleBahuratna Vasundhara
Original Sutra AuthorN/A
AuthorMahodaysagar
PublisherKastur Prakashan Trust
Publication Year1996
Total Pages684
LanguageGujarati
ClassificationBook_Gujarati
File Size16 MB
Copyright © Jain Education International. All rights reserved. | Privacy Policy