Page Text
________________
છે.
ચંદ્રની ધરતી પર ઉતરેલા માનવીને ઘણીવાર હૃદયની ધરતીની ભાળ નથી હોતી.
અંતરના ભાવોને જાણવા માટે અને અનંત ઈચ્છાઓથી ભરેલા મનને નાથવા માટેનું અમોઘ શસ્ત્ર છે- તપ.
તપ કરનાર ઈચ્છાઓ ઉપર અંકુશ પામે છે. જીવનમાં આવતી મુશ્કેલીઓને એ સમભાવથી સહન કરી શકે છે. એના અશુભ કર્મોને તપ દ્વારા બાળી શકે છે.
આથી તપને એક અદ્ભુત જડીબુટ્ટી કહેવામાં આવી છે. જેને સૂંઘતાં જ એક ભયંકર નાગ (મન) અને પાંચ નાગણીઓ (ઈન્દ્રિયો) મૃત્યુ પામે છે. (વશ થઈ જાય છે.).
અધ્યાત્મને માર્ગે ચાલતી વ્યકિત તપ દ્વારા આત્મશુદ્ધિ સાધે છે. જગતના પ્રત્યેક ધર્મમાં એક યા બીજી રીતે આ તપનો મહિમા ગવાયો છે. એમાં આત્મકલ્યાણ અને વિશ્વ કલ્યાણ બંને એક સાથે જોડાયેલા છે.
કચ્છના સુજાપુર ગામના વતની શ્રી હીરાચંદભાઈ રતનસીંભાઈ છેડા વ્યાપાર અર્થે છેક કેરાલાના કલિકટમાં જઈને વસ્યા. કચ્છથી સેંકડો માઈલ દૂર રહેતા હોવા છતાં હીરાચંદભાઈના હૃદયમાં જૈન ધર્મની ઉન્નત ભાવનાઓ એટલી જ જળવાયેલી રહી. ઈ.સ. ૧૯૩૭ ની ૧૨મી સપ્ટેમ્બરે જન્મેલા હીરાચંદભાઈને પિતા રતનસીંભાઈ પાસેથી ધર્મના સંસ્કારો મળ્યા. ગુજરાતથી આટલે દૂર વસ્યા હોવા છતાં આ ખમીરવંતા ધર્મનિષ્ઠ માનવીએ ધર્મ આરાધના ચાલુ રાખી. ઈ.સ. ૧૯૭૪ થી દર વર્ષે પર્યુષણમાં આઠ ઉપવાસથી માંડીને ૯, ૧૧, ૧૬, ૩૨, ૩૫ ઉપવાસ સુધી તપશ્ચર્યા કરી. ૧૬ મહિના સુધી છઠ્ઠના પારણે છઠ્ઠ કર્યા. ૨૫ જેટલી આયંબિલની ઓળીઓ કરી.
તપ કરતી વખતે એમણે ક્યારેય પોતાના કર્તવ્યમાં કશી ચૂક કરી નથી. પોતાના વ્યવસાયનું કામ નિયમિતપણે કરે અને સાથોસાથ તપશ્ચર્યા ચાલુ જ હોય. ધગશભેર સામાજિક કાર્યો કરે અને ક્યારેક એમ કરતાં ઉકાળેલું પાણી પીવાનો સમય ન મળે તો પણ ચાલે.
જીવનમાં તપ દ્વારા અંતરની કેડીએ આગળ વધતા જાય અને બીજી બાજુ જીવન નિર્વાહ કરતા જાય. એમાં પણ ગયા વર્ષે ૪ થી માર્ચે ઋષિકેશની પાવનભૂમિ પર એમને કોઈ યોગસિદ્ધ મહાપુરુષના દર્શન થયા.
હૃદયમાં તપનો પ્રકાશ હતો. ગુરુઓના પરમ પાવન આશીર્વાદ હતા.
બહુરત્ના વસુંધરા-ભાગ બીજો = ૧૦૨
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |