Page Text
________________
WAAAAAAAAAAAAAAnnnnnnnnnnnnnnnnnnnn
શાંતિચંદ્રસાગરજી મ.સા.ની પ્રેરણા મુજબ અન્ય કોઈપણ ઉપાય ન કરતાં પ્રાણલાલભાઈએ નવકાર મહામંત્રનો જાપ ચાલુ રાખ્યો. આખરે એક દિવસ જિનાત કહેવા લાગ્યો કે - “નવકાર મંત્રનો તાપ હું જીરવી શક્તો નથી. જાણે બળીને ભસ્મ થતો હોઉં તેવો દાહ થાય છે તેથી હું જાઉં છું” એમ કહીને સદાને માટે તે ઉપદ્રવ કરતો બંધ થઈ ગયો!
જેમ મિથ્યાદ્રષ્ટિ વ્યંતર દેવો જાપથી ચલિત કરવા માટે ઉપસર્ગ કરતા રહ્યા છે તેમ બીજી બાજુ અનેક સમ્યગ્દષ્ટિ શાસન દેવ-દેવીઓના પણ જાપ ! દરમ્યાન પ્રાણલાલભાઈને દર્શન થતા રહ્યા છે. અત્યાર સુધીમાં ચકેશ્વરી, પદ્માવતી, મહાકાલી, લક્ષ્મી, સરસ્વતી વિગેરે દેવીઓ તેમજ માણિભદ્ર, ઘંટાકર્ણ, કાળભૈરવ, બટુક ભૈરવ વિગેરે દેવોએ જાપ દરમ્યાન તેમને દર્શન આપ્યા છે. તે બધાએ તેમના જાપની ખૂબ ખૂબ અનુમોદન કરી છે. કોઈક દેવોએ તેમની પરીક્ષા કરવા માટે પ્રલોભનો પણ દેખાડ્યા છે. પરંતુ તેઓ લલચાયા નથી અને કોઈપણ ભૌતિક વસ્તુઓની માગણી કદીપણ દેવ-દેવીઓ પાસે કરી નથી. તેથી દેવો વધુ પ્રસન્ન થયા છે. પોતાને ક્યા દિવસે કેવો અનુભવ થયો તેની નોંધ પણ પ્રાણલાલભાઈએ કરી છે તેમજ રોજ કેટલો જાપ થયો તેની ગણતરી પણ તેઓ નોંધતા રહે છે તે અમને બતાવી.
તેમના પિતાશ્રીએ પણ સવા ક્રોડ નવકાર જાપ કરેલ. તેમણે પણ દેવલોકમાંથી આવી પ્રાણલાલભાઈને દર્શન આપ્યા અને જાપ બદલ ખૂબ જ પ્રસન્નતા વ્યક્ત કરી. તેમના પરિચિત બીજા પણ કેટલાક આત્માઓ છે સ્વર્ગવાસી બન્યા છે તેમણે પણ દર્શન આપ્યા છે. કેટલીક વાર દેવોએ તેમની ઉપર ગુલાબના પુષ્પોની વૃષ્ટિ, અમીવૃષ્ટિ વિગેરે પણ કરી છે.
નવકાર મહામંત્રના જાપના પ્રભાવે થયેલા આવા અનેકવિધ આધિદૈવિક અનુભવોનું વર્ણન વાંચીને સામાન્ય માનવીને જરૂર આશ્ચર્યનો અનુભવ થાય. પરંતુ વિશિષ્ટ આત્મ-સાધકોને આમાં જરાપણ આશ્ચર્ય થતું નથી. તેઓ તો આધ્યાત્મિક અનુભૂતિને મહત્ત્વ આપે છે. નવકાર જાપ દ્વારા વિશિષ્ટ આધ્યાત્મિક અનુભૂતિઓ જરૂર થઈ શકે પરંતુ એ માટે પંચ પરમેષ્ઠી ભગવંતોનું અદ્ભુત આત્મસ્વરૂપ ગુરુગમથી તેમજ સદવાંચનથી જાણીને એવું પોતાનું નિર્મળ આત્મસ્વરૂપ અનુભવવાના ચોક્કસ અને સ્પષ્ટ લયપૂર્વક જાપ કરવામાં આવે એ ખાસ જરૂરી છે.
તા. ૨૯/૧૯૬ ના રોજ ધ્રાંગધ્રામાં સવારે લા થી ૧ના વ્યાખ્યાન બાદ પ્રાણલાલભાઈએ જાપના પ્રભાવે થેયલા આધિદૈવિક અનુભવોની નિખાલસભાવે રજુઆત અમારી પાસે કરી ત્યારે તેમનું લક્ષ્ય ઉપરોક્ત દિશામાં વાળવા માટે વિનમ્ર પ્રયત્ન કર્યો છે. કાળ પરિપક્વ થતાં દ્રવ્ય નવકાર ભાવ નવકારમાં ચોક્કસ પરિણમશે તેમાં શંકા નથી.
બહુરત્ના વસુંધરા-ભાગ બીજે પ ૯૭ NE
તમનnnnnnn
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |