Page Text
________________
| અદકેરૂં જ રહેવાનું.
ગુણગંગોત્રીમાં ગોથા લગાવવા આવું સુંદર સાહિત્ય સર્જન કરવાનો એક અભિનવ પ્રયાસ કરનાર ગુણીયલ મહાત્મા છે પૂ.ગણિવર્યશ્રીમહોદય સાગરજી મ.સા., જેઓ ગુણસમ્રાટ સ્વપૂ.આ.શ્રીગુણસાગરસૂરીશ્વરજી મ.સા.ના | પરમવિનેય તો છે જ ઉપરાંત તેઓશ્રીની કૃપા ઝીલી લેનાર યોગ્યાત્મા પણ છે, ગુણાનુરાગી તો છે જ.
ત્રણ -ચાર વરસ પૂર્વે ગણિવર્ય મ.સા.ને પ્રમોદભાવનાના પ્રવાહમાં વહેતાં વહેતાં વિચાર સ્તૂરી ઉઠયો કે કેમ નહિ, ભૂગર્ભમાં દટાયેલા, દબાયેલા અને છૂપાયેલા રત્નોને કાઢી તેનો સ્વયંભુ પ્રકાશ અન્યોને પણ માણવા દઈએ. તેથી અનેકોને પ્રેરણાનું પીઠબળ તો પ્રાપ્ત થશેજ ઉપરાંત આરાધકોના ઉત્સાહમાં અભિવૃધ્ધિ થશે, અનુમોદકને પુણ્યસંચય અને કર્મક્ષય બેઉ સંપ્રાપ્ત થશે અને તેથીય વધીને સમાજ સકળમાં પ્રમોદભાવ પાંગરી ઉઠશે. ભાવનાની નાવ તૈયાર હતી તેમાં વળી ગુરુકૃપાનો વેગ મળ્યો, તેથી કચ્છથી ગુજરાત તરફના વિહાર દરમ્યાન જૈન જ નહિ પણ જૈનેતરો, સાધુ-સંતો જ નહિ પણ સામાન્ય સજ્જનના પણ લાક્ષણિક ગુણોને નોંધપોથીમાં ટપકાવી ટપકાવી જે ભાજનને છલકતું ભરી દીધું તે જ છે આ પુસ્તકની રચના પાછળનો નાનો ઇતિહાસ.
લેખકશ્રીની નવકાર વિષયક સત્ય આધુનિક ઘટમાળાના પુસ્તકની સફળતા પછી આ અવનવો પ્રયાસ પણ લોયણને ખાટી જ જશે, તેમાં શંકા નથી. પણ તે બધાયથી અલિપ્ત ગુણી અને ગણિ શ્રી મહોદયસાગરજી મ.સા. નિઃસ્વાર્થ ભાવે અપેક્ષા રાખે છે કે આ પુસ્તકને સૌ કોઈ વાંચે – વિચારે ને વાગોળે, જેથી વર્તમાનમાં વિચરતા સાધુ-સાધ્વીઓ કે વિરાજતા સજ્જનો પ્રતિ જે વર્ગને અજ્ઞાન ભરેલી નફરત છે તે દૂર થાય, બસ તે જ અપેક્ષા પૂર્તિને તેઓ સર્જનની સફળતા માનશે.
'કરણ-કરાવણ ને અનુમોદન' સરખાં ફળ નીપજાવે. આગમાભ્યાસી ધ્યાનપ્રિય, મધુરવક્તા, ને ગુણાનુરાગી ગણિવર્ય શ્રી સુપેરે જાણે છે કે આપણો અનાડી આત્મા કાંકરામાંથી ઘઉં વણવાને બદલે ઘઉં છોડી કાંકરા વીણવામાં કુશળ છે. સિનેમાના કે જગનાટકના સો સારા દ્રશ્ય જોયા પછી તેને સહેલાઈથી ભૂલી જઈ, બસ, એક ભૂંડું દ્રશ્ય મન-મગજમાં સંગ્રહી લેવામાં પાવરધો છે. બીજાએ ગોળની રાબ પીવડાવી તેના ઉપકારને થયો ન થયો કરી, કોઈએ મને | ગાળ કેમ આપી તેવા દુષ્ટ વિચારમાં પ્રમોદભાવનાનો ભૂક્કો બોલાવી દેવામાં
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |