Bahuratna Vasundhara

SR No.: 006139
Original Sutra Author: N/A
Author: Mahodaysagar
Publisher: Kastur Prakashan Trust
Publication Year: 1996
Total Pages: 684
Language: Gujarati
Classification: Book_Gujarati
File Size: 16 MB

Page 216

અચલગચ્છાધિપતિ પ.પૂ. ગુરુદેવ આચાર્ય ભગવંત શ્રી ગુણસાગરસૂરીશ્વરજી મ.સા.ની અસીમ કૃપા તથા પોતાના પરમોપકારી યોગનિષ્ઠા સુસાધ્વીશ્રી ગુણોદયશ્રીજી મ.સા. ના દિવ્ય આશીર્વાદોને જ આ આયોજનની સફળતામાં મુખ્ય પરિબળો તરીકે સંઘપતિઓ વિનમ્રભાવે જણાવતા હતા. એ પ્રભાવ કૃપા આશીર્વાદોના પ્રભાવે જ માત્ર ૪ વર્ષનો દીક્ષા પર્યાય હોવા છતાં માત્ર “નમો અરિહંતાણં” પદ ઉપર જ એ ૧૦૦ દિવસના કાર્યક્રમમાં વ્યાખ્યાન આપવાનું સદ્ભાગ્ય મને સાંપડયું હતું !...
સંઘપતિશ્રી શામજીભાઈએ સ્વયં મૌનપૂર્વક ૯૯ યાત્રા કરી હતી. લગભગ ૩-૪ વાગ્યે પૂજા વિગેરેથી પરવારીને નીચે આવ્યા બાદ એકાસણુ કરતા હતા. ત્યાં સુધી મૌન જ રહેતા હતા !
તેમણે તથા બીજા પણ કેટલાક યાત્રિકોએ આ ૯૯ યાત્રા દરમ્યાન શ્રીસિદ્ધગિરિની તમામ ટૂંકોમાં રહેલ નાના-મોટા દરેક પ્રભુજીની નવાંગી પૂજા કરવા રૂપ “ભવપૂજા” પણ કરી હતી !
સંઘપતિમાલારોપણ પ્રસંગે સંઘવીશ્રી શામજીભાઈએ આજીવન ક્રોધ ન કરવાની પ્રતિજ્ઞા સ્વીકારીને આ આરાધનાના મંદિર ઉપર જાણે કે કળશ ચઢાવ્યું હતું !...
૧૦૦ દિવસ પર્યંત રોજ સેંકડો પૂ. સાધુ સાધ્વીજી ભગવંતોને ત્રણે ટાઈમ સુપાત્રદાનનું પણ ખૂબ જ અનુમોદનીય આયોજન તેમના તરફથી કરવામાં આવ્યું હતું.
પોષ પૂનમ બાદ જ્યારે અન્યત્ર ૯૯ યાત્રાના આયોજનો પૂર્ણ થઈ ચૂક્યા હતા ત્યારે તો સવિશેષ પ્રમાણમાં આ લાભ તેમને મળ્યો હતો.
આ આખાય આયોજનમાં એક પણ રૂ।. કોઈ અન્ય દાતાઓનો તેમણે લીધો ન હતો. સંપૂર્ણ ૯૯ યાત્રાનો લાભ આ બંને ભાઈઓએ જ લીધો હતો.
છેલ્લે બધા જ યાત્રિકોના ચરણ બહુમાનપૂર્વક દૂધથી ધોઈને સંઘપતિ પરિવારોએ ચરણામૃતનું પાન કર્યું ત્યારે તેમની આવી વિનમ્રતા જોઈને ઘણાની આંખો અહોભાવથી અશ્રુભીની બની ગઈ હતી .....
આ ૯૯ યાત્રાના આયોજન બાદ પાંચેક વર્ષ રહીને તેમણે સમસ્ત કચ્છમાંથી ૪૦ વર્ષથી મોટી ઉંમર થવા છતાં જેમણે શ્રીસિદ્ધાચલજી મહાતીર્થની યાત્રા ન કરી હોય તેવા સેંકડો સાધર્મિકોને બસ દ્વારા પાલિતાણા અને તેની પંચતીર્થની યાત્રા કરાવવાનો મહાન લાભ લીધો હતો.
સં. ૨૦૩૩ માં તીર્થપ્રભાવક, અચલગચ્છાધિપતિ પ.પૂ. આચાર્ય ભગવંત શ્રીગુણસાગરસૂરીશ્વરજી મ.સા.ની તારક નિશ્રામાં કચ્છ ગોધરાથી
બહુરત્ના વસુંધરા-ભાગ બીજો = ૮૩