Page Text
________________
આ બાંધવ બેલડીને ઉદાર, દાનવીર, ધર્માત્મા, સજ્જન શિરોમણિ, શ્રાવકશ્રેષ્ઠ વિગેરે તરીકે તો સહુ કોઈ ઓળખે છે. પરંતુ એ બધા સદ્ગુણોનું મૂળ તો છે. તેમની આત્મનિષ્ઠતા. તેને બહુ ઓછા લોકો જાણતા હશે. કારણ કે આત્મશ્લાધા કે આડંબરનો અંશ પણ એમનામાં નથી. નામનાની કામના કે પ્રસિદ્ધિના વ્યામોહથી તેઓ સદા દૂર જ રહ્યા છે. તેના ઉદાહરણ રૂપે થોડી ઘટનાઓને સંપેક્ષમાં જોઈએ.
(૧) સં. ૨૦૫૧ માં અમારી નિશ્રામાં ગિરનાર મહાતીર્થની ચતુર્વિધ સંઘની સામૂહિક ૯૯ યાત્રાનું આયોજન થયેલ ત્યારે તેમાં એમણે પણ સંઘપતિ તરીકે આર્થિક સહયોગ આપેલ. પરંતુ ૯૦ દિવસના એ કાર્યક્રમ દરમ્યાન તેઓ કયારેપણ બહુમાન સ્વીકારવા કે સંઘપતિ તરીકે માળા પહેરવા માટે પણ આવ્યા ન હતા !....
(૨) એક જિનાલયમાં મૂળનાયક પ્રભુજીની પ્રતિષ્ઠાનો લાભ મોટી રકમનો ચઢાવો બોલીને એક શ્રાવકે લીધેલ. પરંતુ પાછળથી તેમની આર્થિક સ્થિતિ નબળી થતાં એ મોટી રકમ તેઓ ભરપાઈ કરી શકે તેમ ન હતા. ત્યારે આ બંધુયુગલે ચૂપચાપ એ ૨કમ શ્રીસંઘના કાર્યકર્તાઓને અર્પણ કરી દીધી પરંતુ કયાંય પોતાના નામની તકતીની પણ અપેક્ષા રાખી નહિ !
(૩) પ્રસ્તુત પુસ્તકમાં પોતાના માતા-પિતાના ફોટાને બદલે સ્વ. દેવજીભાઈનો ફોટો છપાવવા માટે એક ભાવુક આત્માએ ભાવભરી વિનંતિ કરી અને તેને માટે પોતે સારી રકમ આપવાની ભાવના દર્શાવી પરંતુ નાનજીભાઈએ ફોટો નહિ છાપવાની સવિનય વિનંતિપૂર્વક એ રકમ પોતે જ આપી દીધી !....
(૪) આજે તો નાનજીભાઈને માનસિક મૌનની અવસ્થા સહજ બની ગઈ છે. પરંતુ સાધનાના પ્રારંભ કાળમાં તેઓ દર મહિને સળંગ ૮ દિવસ માનસિક મૌનના લક્ષ્યપૂર્વક વાણીનું મૌન એકાંતમાં રહીને કરતા અને પર્યુષણમાં ૮ દિવસ તો અચૂક મૌન કરતા. ત્યારે એક વખત ગાંધીનગરથી સરકારી ઑફિસરનો પત્ર આવ્યો. ક્રોડો રૂા. ના એક મોટા પ્રોજેક્ટનું ટેન્ડર ભરીને રૂબરુ મળી જવા માટે નાનજીભાઈને બોલાવેલ. પરંતુ તે વખતે પર્યુષણના દિવસો હોવાથી તેઓ ન ગયા અને મૌનમાં જ રહ્યા ! પર્યુષણ પછી જ્યારે તેઓ ગાંધીનગર પહોંચ્યા ત્યારે તેમની આવી સાધના નિષ્ઠતા જોઈને સરકારી ઑફિસર પણ ચકિત થઈ ગયો, રમણ મહર્ષિનો ભક્ત એવો તે ઑફિસર બીજા લોકોને ભાગ્યે જ પાંચ-દશ મિનિટનો સમય મુલાકાત માટે આપતો. તેણે નાનજીભાઈ સાથે ૨ કલાક સુધી આનંદપૂર્વક ચર્ચા કરી અને બીજી કંપનીઓ કરતાં દેવજીભાઈ નાનજીભાઈની શાહ એન્જિનીયરીંગ
બહુરત્ના વસુંધરા-ભાગ બીજો ૭૦
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |