________________
ભાવુક આત્મા તમારી ઉપબૃહણા/પ્રશંસા કરે ત્યારે માનકષાયને પોષણ ન મળે તે માટે જાગૃતિપૂર્વક આત્મનિરીક્ષણ દ્વારા પોતાનામાં જે જે ખામીઓ જણાય તેનો વિનમ્રભાવે માનસિક કે કાયિક એકરાર કરવો અને ગંભીરતાપૂર્વક તે તે ત્રુટિઓ/દોષોને શીધ્ર સુધારી લેવા પુરૂષાર્થ કરવો કે જેથી તમારું આલંબન કોઇને પણ મોક્ષમાર્ગથી વિમુખ ન બનાવે પરંતુ સવિશેષ સન્મુખ બનાવનારું નીવડે.
પ્રસ્તુત પુસ્તકની કંપોઝ તથા પ્રિન્ટીંગ સંબંધી તમામ જવાબદારી, કહાન પબ્લીકેશન્સ વાળા અધ્યાત્મરસિક સુશ્રાવક શ્રી મનુભાઈ દોશીએ પોતાને આંખની ઠીક ઠીક તકલીફ હોવા છતાંપણ ચીવટપૂર્વક સંભાળી લીધી છે તેથી તેમને જેટલા ધન્યવાદ આપીએ તેટલા ઓછા છે.
શ્રી કસ્તૂર પ્રકાશન ટ્રસ્ટ જેનાં હૈયે શ્રીનવકાર, તેને કરશે શું સંસાર?" વગેરે પુસ્તકોની માફક આ પુસ્તકના પ્રકાશનમાં સહર્ષ સંમતિ દર્શાવી છે તેથી તેના મુખ્ય ટ્રસ્ટી સોલીસીટર શ્રી હરખચંદભાઈ કુંવરજી ગડા આદિ ટ્રસ્ટીમંડળ તેમજ પ્રકાશનમાં સુંદર સહયોગ આપનાર દાતાઓ સર્વે ધન્યવાદને પાત્ર છે.
છબસ્થદશાવશાત્ પુસ્તકમાં ક્યાંય પણ શ્રી જિનાજ્ઞા વિરૂધ્ધ લખાયું હોય, અથવા દૃષ્ટાંતોમાં વાસ્તવિક્તાથી ઓછું અધિકું યા વિપરીત લખાયું હોય તો તે બદલ હાર્દિક મિચ્છામિ દુક્કડં. સુજ્ઞ વાચકો તે બદલ ધ્યાન દોરશે તો નવી આવૃત્તિમાં સુધારો કરી લેવામાં આવશે.
પ્રસ્તુત પુસ્તકના મનનપૂર્વક વાંચન દ્વારા અનેકાનેક આત્માઓ ગુણાનુરાગી તેમજ વિશિષ્ટ કોટિના આરાધક બનીને શીઘ મુક્તિપદના અધિકારી બનો એ જ શુભાભિલાષા...
-- ગણિ મહોદયસાગર
સં. ૨૦૫ર પોષ દશમી મણિનગર
