Page Text
________________
અનુમોદના અને અવસરોચિત વાણીથી ઉપબૃહણા કરવાનો મહાપુરૂષોનો ઉપદેશ છે.
અત્રે રજુ થયેલ દૃષ્ટાંતોના પાત્ર સ્વરૂપ આરાધક આત્માઓને પણ વિનમ્રભાવે હિતસૂચન કરું તો તે અસ્થાને નહિ ગણાય કે પ્રસ્તુત પુસ્તકમાં તમારૂં દૃષ્ટાંત તમારા સ્વયં વાંચવામાં આવે ત્યારે, યા તો તે વાંચીને કોઈક ભાવુક આત્મા તમારી ઉપબૃહાપ્રશંસા કરે ત્યારે માનકષાયને પોષણ ન મળે તે માટે જાગૃતિપૂર્વક આત્મનિરીક્ષણ દ્વારા પોતાનામાં જે જે ખામીઓ જણાય તેનો વિનમ્રભાવે માનસિક કે વાચિક એકરાર કરવો અને ગંભીરતાપૂર્વક તે તે ત્રુટિઓ/દોષોને શીઘ્ર સુધારી લેવા પુરૂષાર્થ કરવો કે જેથી તમારું આલંબન કોઈને પણ મોક્ષમાર્ગથી વિમુખ ન બનાવે પરંતુ સવિશેષ સન્મુખ બનાવનારું નીવડે.
પ્રસ્તુત પુસ્તકની કંપોઝ તથા પ્રિન્ટીંગ સંબંધી તમામ જવાબદારી, “કલ્યાણ” માસિકના માનદ સંપાદક શ્રી કીરચંદભાઈ જે. શેઠે ચીવટપૂર્વક સંભાળી લીધી છે તેથી તેમને જેટલા ધન્યવાદ આપીએ તેટલા ઓછા છે.
શ્રી કસ્તૂર પ્રકાશન ટ્રસ્ટે ‘જેનાં હૈયે શ્રીનવકાર, તેને કરશે શું સંસાર ?’ વગેરે પુસ્તકોની માફક આ પુસ્તકના પ્રકાશનમાં સહર્ષ સંમતિ દર્શાવી છે તેથી તેના મુખ્ય ટ્રસ્ટી સોલીસીટર શ્રી હરખચંદભાઈ કુંવરજી ગડા આદિ ટ્રસ્ટીમંડળ તેમજ પ્રકાશનમાં સુંદર સહયોગ આપનાર દાતાઓ સર્વે ધન્યવાદને પાત્ર
છે.
પ્રસ્તુત પુસ્તકનો પ્રથમ ભાગ વાંચીને સેંકડો આત્માઓએ રૂબરુમાં તેમજ પત્રો દ્વારા ભૂરિ ભૂરિ હાર્દિક અનુમોદના અભિવ્યક્ત કરીને બીજા તથા ત્રીજા ભાગના શીઘ્ર પ્રકાશન માટે પ્રોત્સાહિત કરેલ છે. તે સહુ સદ્ગુણાનુરાગી આત્માઓનો આભાર વ્યક્ત કરવા માટે શબ્દો ઓછા પડે છે !...
અને અંતે
गच्छतः स्खलनं क्वापि, भवत्येव प्रमादतः ।
हसन्ति दुर्जनास्तत्र, समादधति सज्जनाः ॥
[“ચાલનાર કે કોઈપણ શુભ કાર્ય કરનાર આત્માની છદ્મસ્થદશાવશાત્ પ્રમાદને લીધે ક્યાંક પણ ભૂલચૂક થાય છે, પરંતુ દુર્જન
:૧૫:
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |