________________
જરા થોભો......વાંચો અને આગળ વધો....
વિ.સં.૨૦૪૮-૨૦૪૯માં અમને ચાતુર્માસમાં તેમજ ગુજરાતમાં વિહાર દરમ્યાન કેટલા જન્મથી અજૈન પરંતુ આચરણથી સવાયા જૈન હોય એવા વિશિષ્ટ કોટના આરાધક આત્માઓનો પરિચય થતો રહ્યો કે જેમને યાદ કરતાં અહોભાવ ઉત્પન્ન થાય તથા જેમનું જીવન અનેક આત્માઓને માટે ખૂબ જ પ્રેરણાદાયક છે. પ્રવચનાદિમાં પણ તેવા આત્માઓનાં અર્વાચીન દૃષ્ટાંતો સવિશેષ અસરકારક નીવડતા હોઈ તેવા દૃષ્ટાંતોની ટૂંકી નોંધ ડાયરીમાં લખવાનું શરૂ કર્યું.
અહોભાવ ઉત્પન્ન થાય તેવું લગભગ સાધુ જેવું જીવન જીવતા હોય તેવા કેટલાક ઉત્તમ આરાધક શ્રાવકોના પણ અર્વાચીન દૃષ્ટાંતો મળવા લાગ્યા તેની પણ ટૂંકી નોંધ થતી ગઈ.
ચોથા આરાની કે મહાવિદેહ ક્ષેત્રની યાદ અપાવે તેવું ઉચ્ચ સંયમી જીવન જીવના કેટલાક મુનિવરો પણ પરિચયમાં આવ્યા.
માગનુસારિતાની ભૂમિકામાં રહેલા કેટલા આત્માઓનું પણ ખૂબજ અનુમોદનીય જીવન દૃષ્ટિગોચર થયું.
પ્રવચનમાં તેમજ સત્સંગમાં આવા આરાધક રત્નોના દાંતોની રજુઆત થતાં ધાર્યા કરતાં ઘણી જ વિશિષ્ટ સુંદર અસર થતી જોવાઈ. કુવચિત્ ક્ષમાપના પત્રોમાં આવા ૨-૪ દૃષ્ટાંતો સંક્ષેપમાં રજુ કરતાં પણ ચારે બાજુથી અત્યંત અનુમોદનાના ઉદ્ગારો અભિવ્યક્ત કરતા પત્રો આવવા લાગ્યા.
આ પરિણામે શ્રીદેવ-ગુરુની અસીમ કૃપાથી એવી અંતઃસ્કુરણા થઈ કે ભારતભરમાં શ્રીજિનશાસનમાં અનેક સંઘોમાં-ગામ-નગરોમાં આવા આવા અનેક દૃષ્ટાંતો વિદ્યમાન હશે. તેમનું જો વ્યવસ્થિત સંકલન કરીને પ્રકાશિત કરવામાં આવે તો પ્રમોદભાવના ભાવવાની પ્રભુ આજ્ઞાનું પાલન થાય.. તે તે આરાધક આત્માઓને પણ પ્રોત્સાહન અને વધુ સારું જીવન જીવવાનું બળ મળે તેમજ બીજા અનેકાનેક આત્માઓને અનુમોદના અને જીવંત પ્રેરણા દ્વારા ખૂબજ લાભ થાય.
આવી ભાવનાથી પ્રેરાઈને આવા દૃષ્ટાંતોનો સંગ્રહ કરવા માટે
