Page Text
________________
(૬૦).
રોજ ૧૦૮ લોગસ આદિની આરાધના કરતા કુ, મીનાબેન જગજીવનભાઇ (મહારાષ્ટ્રીયન)
મહારાષ્ટ્રમાં થાણા જિલ્લામાં શિરસાડ ગામમાં જન્મેલ કુ. મીનાબેન(ઉ.વ. ૧૫) ને પ્રારબ્ધયોગે ૫ વર્ષની બાલ્યાવસ્થાથી જ કામકાજમાં જોડાવું પડયું. પરંતુ આગળ જતાં તેના ભાગ્યે જોર પકડયું. અને ૯ વર્ષની ઉંમરે તે મુંબઈ - શાયનમાં રહેતા ધર્મસંસ્કારથી યુક્ત કચ્છી જૈન જગજીવનભાઈ શાહના ઘરમાં કામ કરતાં કરતાં પોતાના નિખાલસ, વિનીત સ્વભાવ અને કામકાજની ચીવટના કારણે ઘરમાં નાના-મોટા સહુનું અદ્ભુત પ્રેમપાત્ર બની ગઈ. પરિણામે પુષ્પાબેન અને જગજીવનભાઈએ તેને પોતાની પુત્રી તરીકે જ સ્વીકારી લીધી છે.
ઘરમાં ધાર્મિક વાતાવરણને લીધે કુ. મીના નિયમિત પાઠશાળામાં જવા લાગી અને જોતજોતામાં નવકાર મહામંત્રથી માંડીને ચૈત્યવંદન - ગુરૂવંદન સામાયિક વિધિના સૂત્રો તથા રત્નાકરપચીશી, ભક્તામર સ્તોત્ર આદિ કંઠસ્થ | કરી લીધા છે.
રોજ જિનપૂજા, નવકારશી તથા ચોવિહાર કરે છે. સવારે ૪-૩૦ વાગે ઉઠીને ૧૦૮ નવકાર, ૧૦૮ લોગસ્સ, ૧૦૮ ઉવસગ્ગહરનો જાપ તથા અહં નમઃ અને સરસ્વતી દેવીના મંત્રની ૧-૧ માળા ગણે છે. - રોજ સવારે વડીલોને પગે લાગે છે. દેરાસરે જતાં પગમાં ચપ્પલ પહેરતી નથી. વ્યાખ્યાન શ્રવણનો યોગ હોય તો જરૂર લાભ લે છે. કંદમૂળ ત્યાગની પ્રતિજ્ઞા લીધેલ છે. બપોરે સામાયિક - જાપ તથા સ્વાધ્યાય કરે છે. સેવાની એક પણ તક ચૂકતી નથી.
રોજ રાત્રે સૂતાં પહેલાં સ્વયં ફુરણાથી પ્રભુને પ્રાથના કરે છે કે, 'હે પ્રભુ,બધાનું દુઃખ મને મળો. મારું સુખ બધાને મળો. પાર્શ્વનાથ ભગવંતનું શરણું ભવોભવ મળજો.' ઇત્યાદિ
સહુ જીવો સાથે ક્ષમાયાચના કરી દિવસ દરમ્યાન થયેલી ભૂલોનો પશ્ચાત્તાપ કરી પછી જ શયન કરે છે. પૂર્વ જન્મના સંસ્કાર અને વર્તમાનમાં ધાર્મિક સંસ્કારો યુક્ત ઘરના વાતાવરણના લીધે કુ.મીના રોજ ભાવના ભાવે છે કે, સસ્નેહી પ્યારા રે સંયમ કબડી મિલે!..'
૮૫
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |