Bahuratna Vasundhara

SR No.: 006139
Original Sutra Author: N/A
Author: Mahodaysagar
Publisher: Kastur Prakashan Trust
Publication Year: 1996
Total Pages: 684
Language: Gujarati
Classification: Book_Gujarati
File Size: 16 MB

Page 118

જ ઇડ ( , છે (૫૮) બા - ર . દર ઓળી તથા અફાઇ સાથે ૬૪ પ્રહરી પોષધ કરતા
ગરાજભાઇ મંડાઇ-મોચી મોચી કુળમાં જન્મેલા ગજરાજભાઈ મંડરાઈ (ઉં.વ.૪૭) હાલ પાંચ બાળકોના પરિવાર સહિત મુંબઈ-ડોંબીવલીમાં રહે છે અને જોડા સીવવાનું કામ કરે છે. કર્મ સંયોગે તેમને રહેવા માટે ઘર નથી એટલે જ્યાં જ્યાં જગ્યા મળે ત્યાં ઝુંપડું બાંધીને રહે છે. રોજ કમાય અને રોજ ખાય એવી ગરીબ પરિસ્થિતિમાં જીવન જીવતા ગજરાજભાઈની અંતરની અમીરાત અનેરી છે. ક્યારેક મ્યુનિસીપાલિટીવાળા તેમના ઝુંપડા તોડી નાખે ત્યારે ફૂટપાથ પર અથવા જ્યાં જગ્યા મળે ત્યાં સૂઈ રહે છે. ફરીથી મહેનત કરીને ઝુંપડું બાંધે છે.
આવી હાલતમાં સમય વ્યતીત કરતાં ગજરાજભાઈના જીવનમાં ભાગ્યોદય થયો. તેઓ જ્યાં જોડા સીવવા બેસતા એની બાજુમાં એક કચ્છી શ્રાવકની દુકાન છે. ઋણાનુબંધવશાત એ શ્રાવકને ગજરાજભાઈ પ્રત્યે અનુકંપા જાગી. બે વર્ષ પહેલાં તેમણે પોતાની એક ખાલી પડેલી રૂમમાં એમજ રહેવા માટે તેમને જગ્યા આપી અને અવાર-નવાર એમના જેવું કંઈક કામકાજ પણ આપતા-અપાવતા.
એમ કરતાં કરતાં પર્યુષણના દિવસો નજીકમાં આવ્યા ત્યારે શ્રાવિકાએ સુખી થવા માટે ધર્મ આરાધના કરવા પ્રેરણા કરી અને જૈન ધર્મવિષે થોડી સમજ આપી. હળુકર્મી એવા ગજરાજભાઈને ધર્મની વાત ખૂબજ ગમી ગઈ અને તેમણે | પર્યુષણમાં ૮ એકાસણા કર્યા પછી તો રોજ દેરાસરમાં પ્રભુદર્શન કર્યા બાદ જ ધંધાની શરૂઆત કરવા લાગ્યા. માંસાહર તથા કંદમૂળ ત્યાગની પ્રતિજ્ઞા લઈ લીધી. રાત્રિભોજન ત્યાગની પ્રતિજ્ઞા ટૂંક સમયમાં લેનાર છે.પર્વતિથિઓમાં બ્રહ્મચર્યનું પાલન કરે છે. નવકાર મહામંત્રનો જાપ કરે છે. નીતિથી ધંધો કરે છે અને ઈમાનદારીથી જીવે છે.
ગયા વર્ષે પર્યુષણમાં આઠ ઉપવાસ સાથે ૬૪ પ્રહરી પૌષધ કરેલા તથા નવપદજીની ઓળીમાં આયંબિલ કરેલ તેમાં પણ છેલ્લે દિવસે પૌષધ કરેલી! હવે તો તેઓ સંયમની ભાવના પણ ભાવે છે. તેમને ધર્મ કરવો ખૂબજ ગમે છે. તેઓ કહે છે કે ખરેખર જૈન ધર્મ ખૂબજ મહાન છે.આવો મહાન ધર્મ મળવા બદલ હું મારી જાતને ખૂબજ ભાગ્યશાળી માનું છું અને હવે બાકીની જીંદગી ધર્મારાધના કરતાં કરતાં ગુરૂ ભગવંતોના ચરણોમાં વીતાવવી છે.'ગજરાજભાઈને તથા તેમને જૈનધર્મ પમાડનાર શ્રાવક પરિવારને હાર્દિક ધન્યવાદ સહ અનુમોદના. અન્ય શ્રાવકો પણ એમાંથી પ્રેરણા મેળવે એ જ શુભભાવના.
૮૩