________________
(૪૫)
છ'રીપાલક સંઘના સંઘપતિ બનતા કાંતિલાલભાઇ એન. પીઠવા(લુહાર)
સુરેન્દ્રનગરમાં એટલાસ એન્જિનીયરીંગ કોના માલિક કાંતિલાલભાઈ એન. પીઠવા જાતે પંચાલ એટલે કે લુહાર છે.
પરંતુ કેટલાક વર્ષો પહેલાં અધ્યાત્મમૂર્તિ પ.પૂ.આચાર્ય ભગવંત શ્રી કૈલાસસાગરસૂરીશ્વરજી મ.સા.ના પરિચય અને સત્સંગથી જૈન ધર્મ પામ્યા. પૂજ્યશ્રીએ સ્વહસ્તે તેમને નવકાર-મહામંત્ર લખી આપેલ. આજે પણ તેઓ નિયમિત નવકારવાળી ગણે છે. પર્વ દિવસોમાં જિનપૂજા કરે છે. તેમને જિનવાણી શ્રવણ કરવાનો અનેરો રસ છે. દર વર્ષે ધર્મકાર્યોમાં સારી રકમનો સદ્ભય કરે છે.
પંદરેક વર્ષ પહેલાં પ.પૂ.પં.શ્રીદાનવિજયજી ગણિવર્ય મ.સા.ની નિશ્રામાં સુરેન્દ્રનગરથી શંખેશ્વરજી તીર્થનો છ'રી પાળતો સંઘ નીકળેલ ત્યારે કાંતિલાલભાઈએ તેમાં સંઘપતિ બનવાનો લાભ લીધેલ.
તેમણે અત્યાર સુધીમાં પાલિતાણા, ગિરનાર, શંખેશ્વર, મહેસાણાની પંચતીર્થી વિગેરે અનેક જૈનતીર્થોની યાત્રા ભાવપૂર્વક કરી
