________________
જીવનમાં શુભ પરિવર્તન આવ્યુ, તેમ દરેક શ્રાવક - શ્રાવિકાઓએ પોતાનું જીવન એવું બનાવવું જોઇએ કે જેથી પોતે તરીને બીજાને તારી શકે. છેવટે પોતાના ઘરના સભ્યોને તો અચૂક તારી શકે. તે માટે પ્રથમ પોતે ચુસ્તપણે જિનાજ્ઞાના પાલક બનવું જોઇએ. ખેમચંદભાઇ સપરિવારનું દષ્ટાંત સહુને માટે પ્રેરણા રૂપ બનો એ જ શુભેચ્છા.
(૪૪) જીવદયા ખાતર કુલપરંપરાગત ધંધો બદલનાર ગણપતભાઇ પંચાલ
સં.૨૦૩૫માં વર્ધમાન તપોનિધિ પ.પૂ.આ.ભ. શ્રીમદ્ વિજયભુવનભાનુ સૂરીશ્વરજી મ.સા.ના શિષ્ય પ.પૂ.આ.ભ.શ્રી વિજયજગચંદ્રસૂરીશ્વરજી મ.સા.નું ચાતુર્માસ તેઓશ્રીની જન્મભૂમિ મહેસાણા જિલ્લાના ખેરાલુ તાલુકાના કરટિયા ગામમાં થયું. ત્યારે એ ગામમાં ફલોરમીલ (અનાજ દળવાની ઘંટી) તથા લુહારનો ધંધો કરતા ગણપતભાઇ પંચાલ (ઉ.વ.૫૦) ને તેમના સત્સંગ રૂપી પારસમણિનો પાવન સ્પર્શ થતાં જ જીવદયાની દષ્ટિએ એ બંને ધંધા બંધ કરીને દૂધ - દહીંનો વ્યવસાય શરૂ કરી દીધો!...[જૈનકુળમાં જન્મીને પણ રોજ અસંખ્ય કે અનંત સ્થાવર તથા ત્રસ જીવોની હિંસા થતી હોય તેવા ૧૫ પ્રકારના કર્માદાનના ધંધાઓમાંથી કોઇને કોઇ પ્રકારના વ્યવસાય કરી રહેલ સુશ્રાવકો આમાંથી પ્રેરણા લે તો સારું.] ઉત્તરોત્તર ધર્મરૂચિ વૃધ્ધિ પામતાં તેઓશ્રી નિયમિત જિનાલયમાં ગભારાનું શુધ્ધિકરણ તેમજ પક્ષાલ તથા સ્વદ્રવ્યથી અષ્ટ પ્રકારી પૂજા કરે છે.
અવારનવાર આયંબિલ, ઉપવાસ આદિ તપશ્ચર્યા કરે છે.
૭૧
