________________
તેમણે ત્રણે ઉપધાનની આરાધના કરી લીધી છે. ૬૮ એકાસણાપૂર્વક નવકાર મહામંત્રની સાધના કરી છે. ”
(૧)પૂનાથી પાલિતાણા (૨)નીપાણીથી કુંભોજગિરિ તથા (૩) ઝૂરથી પાબળ તીર્થ આ ત્રણ છ'રી પાલક સંઘોમાં યાત્રિક તરીકે જોડાઈને તેમણે તીર્થયાત્રાઓ પણ ભાવથી કરી છે !
(૩૮) સાધુ સેવાકારી શિવાભાઇ કોળી
ભાવનગરમાં દાદાસાહેબના ઉપાશ્રયમાં જ દિવસ-રાત રહેતા શિવાભાઈ કોળી (ઉ.વ.૬૦) ત્રીસેક વર્ષોથી પપૂ. આચાર્ય ભગવંત શ્રીમવિજયઉદયસૂરીશ્વરજી મ.સા. તથા પ.પૂ.આ.ભ. શ્રીમવિજય મેરુપ્રભસૂરીશ્વરજી મ.સા.ના સત્સંગથી જૈન ધર્મ પામ્યા છે.
બિમાર કે વૃધ્ધ વિગેરે સાધુ ભગવંતોની દરેક પ્રકારની વૈિયાવચ્ચ એવા સુંદર ભાવપૂર્વક કરે છે, કે તેના પ્રભાવે તેમની સુવાસ ચોમેર પ્રસરેલી છે. તેઓ મોટાભાગે એકાંતરા આયંબિલ કરે છે. રોજ જિનપૂજા કરે છે. નવરાશના સમયમાં નવકાર મહામંત્રની માળા તેમના હાથમાં ફરતી જ હોય.!”
શાસ્ત્રોમાં વૈયાવચ્ચને અપ્રતિપાતી ગુણ કહ્યો છે. અર્થાત્ અન્ય કેટલાક સદ્ગુણો નિમિત્તવશાત્ નાશ પણ પામી શકે છે પરંતુ વૈયાવચ્ચનો સદ્ગુણ જીવને અચૂક મોક્ષ પમાડીને જ રહે છે. મોક્ષ પર્યત દરેક ભવમાં તેના સંસ્કાર સાથે રહે છે. પૂર્વભવમાં ૫૦૦ સાધુઓની સુંદર સેવા કરનાર બાહુ અને સુબાહુ મુનિ ભરત ચક્રવર્તી અને બાહુબલિ બનીને મોક્ષગામી બને છે. શિવાભાઈ પણ સુંદર સાધુ સેવા દ્વારા આવું વિશિષ્ટ પુણ્યાનુબંધી પુણ્ય ઉપાર્જિત કરી નિકટ મોક્ષગામી બને એ જ શુભ ભાવના.
