Maro Sohamano Dharm Sachitra

SR No.: 006138
Original Sutra Author: N/A
Author: Harishbhadravijay
Publisher: Navjivan Granthmala
Publication Year: 1999
Total Pages: 194
Language: Gujarati
Classification: Book_Gujarati
File Size: 6 MB

Page 7

હા, હું હળુકર્મી પણ છું. કારણ -
ઉત્તમોત્તમ સાધન - સામગ્રીના કારણે વિતરાગ કથિત જિનવાણીનું પાન કરવા આ આત્માએ અમૂલ્ય પળોને વાપરવાનો પ્રયત્ન કર્યો છે.
તરણ તારક પ્રભુએ “દાન’ ધર્મનો ઉપદેશ આપી જીવમાત્રને અભયદાન આપવાની હાકલ કરી, વૈર-વિરોધને દાટી દીધા. અજ્ઞાનીને સમ્યજ્ઞાનનું દાન કરવાની ટહેલ પાડી સંસારને સમજવા તક આપી. પરિગ્રહની મૂચ્છ – આસક્તિને ઘટાડવાનું કહી જન્મોજન્મથી ચાલી આવતી પરિગ્રહ સંજ્ઞાને નિર્બળ બનાવવાની તક આપી તે વાતોને હું જીવનમાં વાગોળું છું
સમતાના સાગર વિભુએ શીયળ વતનો કલ્યાણકારી રાજમાર્ગને બતાવી નરકાદિ ગતિની વેદના ભોગવવી ન પડે તે માટે તેના દ્વાર બંધ કરવા, મનને સમજાવવા, જીવન બદનામ - બરબાદ થતું અટકાવવા, વ્રતને ત્રણે યોગથી પાળવાસ્વીકારવા પ્રેરણા આપી. તે માટે હું ખૂબ ત્રઢણી છું. જો કે તેનું પાલન કઠીન લાગે છે પણ એ જ સરળ થઈ જશે. જીવનમાં દુઃખ પછી જ સુખ મળે છે.
સાડા બાર વર્ષ સુધી ઘોર ઉપસર્ગ સહી, ધ્યાનમાં મગ્ન થઈ બાહ્ય-અત્યંતર તપનો મહિમા વર્ણવતાં પ્રભુએ સમજાવ્યું - સંભળાવ્યું કે, “હે માનવ ! તપ કરીએ સમતા રાખી ઘટમાં” બીજી પણ ટકોર કરી કે, “ઈચ્છાનિરોધ તપ'' એ ભાવનાથી જો કરવામાં આવે તો તે નિકાચીત કર્મને બાળવા માટે સમર્થ થશે. આ રીતે આત્માને પવિત્ર કરવા, નિર્મળ, પારદર્શક સ્પટીક સમાન બનાવવા તપનો મેં સાથ લીધો.
આ તપ ઘાતી-અઘાતી કર્મના ક્ષય માટે, શરીર ઉપરની મમતાને ઘટાડવા માટે, આહાર સંજ્ઞાને તિલાંજલી આપવા માટે સર્વોત્તમ ઉપાય છે. નિર્વાણ સમયે પણ તેથી જ તીર્થકરાદિ દરેક આત્મા તપનું આલંબન લે છે.
દયાળુ - કરૂણાળું પ્રભુએ છેલ્લે હૃદયને નિર્મળ કરવા દાન, શીલ, તપ શોભાવંત કરવા “ભાવ”ની ઉપાસના-આરાધના પણ બતાડી. આ ભાવધર્મની દવા ભવોભવના જન્મ ઘટાડનારી છે. એમ કહી તેનું મૂલ્ય અમૂલ્ય બતાડ્યું.
ભાવ - કેવળજ્ઞાન અપાવે છે. ક્રિયા કરતી વખતે આ આત્મા ક્યા સંયોગોમાં છે. તેની પાસે દ્રવ્યરૂપે સાધન કેવું છે. કેવા એ કર્મ ક્રિયા બાહ્ય રીતે કરે છે. તે ગૌણ છે. જો નિમિત્તોના સહારે ઊંડું ચિંતન, મનન, નિધિધ્યાસન ભાવથી કરવામાં આવે તો એનો બેડો પાર સમજવો. ભાવ આત્માને કેવળી - મોક્ષગામી બનાવે છે.
માટે જ -