Page Text
________________
ભાગ્યવાન છું...
હું ભાગ્યવાન છું.
કારણ... જંબુદ્વિપમાં, ભરતક્ષેત્રમાં, દક્ષિણાá ભરતમાં, મધ્યખંડમાં, આર્યદેશમાં, ઉત્તમકુળમાં, દેવ-ગુરુ-ધર્મની સામગ્રી જ્યાં સુલભ છે. તેવા ક્ષેત્ર-ગામમાં, પંચમ આરામાં, ‘ભવિ’પણાની છાપ લઈને મનુષ્ય ગતિમાં જન્મ્યો છું.
પાંચમો આરો ભલે તીર્થંકર વિહીન કાળ છે. છતાં આ ભરતક્ષેત્રમાં જ્યાં દેવ-ગુરુ-ધર્મની સામગ્રી સુલભતાથી મળે છે. તેવા ધર્માક્ષેત્રમાં મારો જે જન્મ થયો છે, તે નાની સુની વાત નથી.
પૂર્વના પુણ્યના યોગે અભિવ કે દુર્ભભવ ન થતાં અલ્પભવિ કે ભવિ થવાનું સદ્દભાગ્ય સાંપડ્યું છે. સાથોસાથ તિર્યંચ કે નરકગતિમાં ન જન્મતા મનુષ્ય ગતિને પામ્યો છે, એ ગૌરવ લેવા જેવી વાત છે.
શાતાવેદનીય કર્મના કારણે પાંચ ઈન્દ્રિયો સુરક્ષિત છે. મન, વચન, કાયા હજી મારી આજ્ઞાધીન છે. નીચકુળમાં કે અધર્મવાસિત મા-બાપની કુક્ષીના બદલે ઉચ્ચ કુળમાં, ધર્મવાસિત પરિવારમાં દુર્લભ જન્મને સફળ કરવા અનુકુળ સંયોગો સાથે મારો જન્મ થયો છે. એના માટે હું મારું અહોભાગ્ય સમજું છું.
દુર્લભ એવા મનુષ્ય જન્મને સફળ કરવા માટે મનુષ્યપણાને શોભે તેવા આચાર, વિચાર, વર્તન કરવા મને સદ્દબુદ્ધિ - સમ્યબુદ્ધિ પ્રાપ્ત થઈ છે. એ પણ પૂર્વકૃત આરાધના સાધનાનું જ મીઠું ફળ છે.
આજ સુધી મિથ્યામતિ કે મિથ્યાત્વીના સંગથી રંગાયો નથી કે દુર્બુદ્ધિ – નાસ્તિકતાનો શિકાર થયો નથી, અશ્રદ્ધાથી જીવન જીવતો નથી. ધર્મ શબ્દ અને તે સંબંધિ વિચારો સાંભળવા ગમે છે. તે મારું ૫૨મ સૌભાગ્ય છે.
મારા ભાગ્યની એક ક્ષણ દેવતાને પણ ઈર્ષા-અદેખાઈ થતી હશે. કારણ વૈભવ વિલાસના રંગ રાગમાં ન ફસાતા ધર્મ કરણી કરવા માટે, પૂર્વભવની અપૂર્ણ આરાધના પૂર્ણ કરવા માટે મને જે સંયોગો, તકો, સાધનો, નિમિત્તો મળ્યા છે તેનો સદુપયોગ કરવા આતમરામને જગાડી સમજાવવા સફળ થયો છું. સફળતા વધુ ને વધુ પ્રાપ્ત કરી રહ્યો છું.
તેથી જ હું વારંવાર ગાઉં છું...
“મારો ધન્ય બન્યો. આજે અવતાર, કે મળ્યા મને પરમાત્મા.’
| SR No. | 006138 |
| Book Title | Maro Sohamano Dharm Sachitra |
| Original Sutra Author | N/A |
| Author | Harishbhadravijay |
| Publisher | Navjivan Granthmala |
| Publication Year | 1999 |
| Total Pages | 194 |
| Language | Gujarati |
| Classification | Book_Gujarati |
| File Size | 6 MB |