Page Text
________________
* ચક્રવર્તિના ઘોડાને ફરજીયાત બ્રહ્મચર્ય પાળવું પડે છે. (પળાવવામાં આવે છે.)
તેથી તે ૮મા વૈમાનિક દેવગતિને પામે છે. કચ્છના બ્રહ્મચારી વિજયશેઠ-શેઠાણીની જિનદાસ શ્રાવકે વિમળ કેવળીની આજ્ઞાથી ભક્તિ કરી ૮૪ હજાર સાધુની ભક્તિ કરવા જેટલું પુણ્ય બાંધ્યું. ત્યાર બાદ શેઠ-શેઠાણી સંયમી થઈ મોક્ષે ગયા. ભ. નેમનાથના નાનાભાઈ રહનેમિને રાજીમતિજીએ પ્રતિબોધી ચારિત્રમાં સ્થીર કર્યા. શીયળવ્રતમાં દ્રઢ કર્યા. અષાઢાભૂતિનું નટકન્યાના કારણે પતન થયું પણ થોડી અંતરમાં જાગૃતિ હતી. એક દિવસ નટકન્યાઓને ભાન ભૂલી પલંગમાં સૂતેલી જોઈ અષાઢાભૂતિનો આત્મા જાગી ગયો. ફરી સંયમી બની મોક્ષે ગયા. ચંપાનગરીમાં સુદર્શન નામે શેઠ હતા. ઈર્ષાના કારણે રાણી અભયાએ શેઠને આપત્તિમાં મૂક્યા. રાજા-પ્રજા બધા શેઠ આવું શીલખંડન ન કરે તે માનતા હતા. છતાં નિરૂપાઈ રાજાએ શુળી પર શેઠને ચઢાવ્યા. ત્યાં દેવતાએ શુળીનું સિંહાસન કરી રાણીના કપટને ખુલ્લું કર્યું. વૈરાગ્ય પામી શેઠે દીક્ષા લીધી, કેવળી થઈ ધન્ય બન્યા. મહામંત્રી પેથડદેવે ૩૨ વર્ષની ઉંમરે બ્રહ્મચર્ય વ્રતનો સ્વીકાર કર્યો હતો. શીયળ માટે મહાસતિ સીતાની અગ્નિ પરીક્ષા થઈ હતી.
જ્યારે સીતાનું હરણ થયું ત્યારે તેઓ પોતાના અલંકારો માર્ગમાં નાખતા ગયા. જંગલમાં પડેલા અલંકારોને જોઈ શ્રીરામે લક્ષ્મણને પૂછ્યું આ અલંકાર કોના છે? લક્ષ્મણજીએ જવાબ આપ્યો, સીતાજીના પગમાં રહેલા નૂપુરને હું ઓળખું
છું બાકી મને ખબર નથી. કેવી હતી એ પવિત્ર દ્રષ્ટિ ! જેનેત્તર સમાજ અને બ્રહ્મચર્ય : ૧. છત્રપતિ છત્રશાલે અન્ય સ્ત્રીને “મા”નું સંબોધન કરી પોતાને પુત્ર રૂપે માની
લેવા કહ્યું. ફળ સ્વરૂપ સ્ત્રીના કામવિકારો શાંત થયા. પંડિત વાચસ્પતિ મિશ્ર વેદાન્તના ગ્રંથની ટીકા લખવામાં એટલા તન્યમ થયા હતા કે તેઓને પોતે લગ્ન કર્યા છે તે પણ યાદ ન રહ્યું. જ્યારે ગ્રંથની રચના પૂરી થઈ ત્યારે અચાનક સ્ત્રી સાથેના વાર્તાલાપથી યાદી તાજી થઈ. પંડિત પોતાના ગ્રંથનું સ્ત્રીની સમર્પણની ભાવના જોઈ. “ભામતી' નામ પાડી પત્નીની ચીરસ્મૃતિ સુરક્ષિત કરી. ગૌતમ બુદ્ધ આનંદના પ્રશ્નનો જવાબ આપતાં કહ્યું - બીજું કાંઈ ન થાય તો સ્ત્રીના મુખ કે કાયાના દર્શનથી અને સ્ત્રીના સ્પર્શથી બચવું. છેવટે જીવનમાં સ્ત્રીથી અલિપ્ત રહેવાની જાગૃતિ રાખવી ઘણી જરૂરી છે.
| SR No. | 006138 |
| Book Title | Maro Sohamano Dharm Sachitra |
| Original Sutra Author | N/A |
| Author | Harishbhadravijay |
| Publisher | Navjivan Granthmala |
| Publication Year | 1999 |
| Total Pages | 194 |
| Language | Gujarati |
| Classification | Book_Gujarati |
| File Size | 6 MB |