________________
(૪૦) સાધર્મિકો પણ પુણ્યાનુબંધિપુણ્યના પરમ અધિકારી બને, એવી પરમ ઉદારતાભરી ગુણાનુરાગવાળી અનુમોદનીય સદ્ભાવનાથી પ્રેરાયેલ પરમશ્રદ્ધાશીલ-સુવિવેકી-સદાચાર શીલ સમ્પન્નસગુણાનુરાગી-ન્યાયસમ્પન્નવિભવયુક્ત-પરોપકાર મરાયણ-તેમ જ ધર્મ આરાધના આદિ અનેકવિધ ઉત્તમકોટીના સુસંસ્કારોથી સુસંસ્કારિત ધનવૈભવાદિથી સુસમ્પન્ન સાધર્મિકોએ પરમ પ્રશસ્ય પુણ્યાનુબંધિપુણ્યના પરમ અધિકારી બનાવે તેવી સ્વોપાર્જિત સુલક્ષ્મી સીદાતા સાધર્મિકો પરમાત્માની પૂજા સેવાનો લાભ લઈ શકે, તેટલા પ્રમાણની સામગ્રીનો પ્રબંધ કરવા માટે જેટલા ધનની અપેક્ષા હોય, તેટલું ધન શ્રીસંઘના કાર્યકર્તાઓને પરમ બહુમાનપૂર્વક અર્પણ કરીને બદ્ધાંજલિ નતમસ્તકે પરમ વિનમ્રભાવે શ્રી સંઘના કાર્યકર્તાઓને વિજ્ઞપ્તિ કરતા હતા કે ભવિષ્યમાં જ્યારે પણ શ્રી જિનેન્દ્ર પરમાત્માની પૂજા સેવાદિ ભક્તિનો લાભ લેવાનો ય સુઅવસર ઉપસ્થિત થાય. ત્યારે આપ શ્રીમાનું) અમ જેવા આ પામર સેવકો ઉપર અનુગૃહીત થઈને એ લાભ અમને અચૂકથી આપવા કૃપા કરશોજી.
સીદાતા સાધર્મિકો પૂજા સેવા આદિનો લાભ લઈ શકે, તે માટે પ્રાપ્ત થયેલ રકમથી કાર્યકર્તાઓ પૂજા સેવા આદિની સામગ્રીનો સુપ્રબંધ કરતા કરાવતા હતા. પ્રબંધિત સામગ્રીથી સીદાતા સાધર્મિકો પરમાત્માની પૂજા સેવા ભક્તિ આદિનો લાભ અચૂક લેતા હતા.
ગત કોઈક ભવમાં મોહ અને અજ્ઞાનવશ બંધાયેલ અન્તરાય અને અશાતાવેદનીય આદિ અશુભકર્મો ઉદયમાં આવવાથી વાણિજ્ય વ્યવસાયોથી થવો જોઈતો આર્થિક લાભ તો થતો ન હતો. તેમાં વિદેશી શ્વેત પાશ્ચાત્યોએ આનુવંશિક આજીવિકાના સાધનો અર્થાત્ ઉપાયો છિન્નભિન્ન કરીને રહ્યાસહ્ય વ્યવસાય ના ગળામાં અનેકવિધ અસહ્ય કરોનો ગાળીયો નાંખીને આજીવિકાને મરણતોલ
