________________
(૧૦) મહાતીર્થોનું નિર્માણ થવું શક્ય બને. પ્રાચીન જિનાલયો અને શ્રી સિદ્ધાચળજી આદિ જેવાં અનેક મહાતીર્થોનો જીર્ણોદ્ધાર થતો રહેવો સુશક્ય બને
કાળના અનેક અટપટા મહાઝંઝાવાતોમાંથી પસાર થવા છતાં આજે પણ પ્રાચીન ભવ્ય જિનાલયો અને મહાતીર્થો મૂળ સ્વરૂપે મેરુ પર્વતની જેમ અડોલપણે અડીખમ ઊભાં છે, તેય કોના પ્રભાવે? તો ડંકાની ચોટે નિઃશંકપણે કહેવું જ પડશે, કે તે દેવદ્રવ્યના જ પ્રભાવે. દેવદ્રવ્ય ન હોત તો પ્રાચીન ભવ્ય જિનાલયો અને મહાતીર્થોનું અસ્તિત્વ જ ન હોત.
રાજપૂતાના મારવાડ, પંજાબ, મધ્યપ્રદેશ, ઉત્તરપ્રદેશ, બિહાર, બંગાળ, આંગપ્રદેશ, કર્ણાટક, મૈસુર, મદ્રાસ પ્રમુખ અનેક રાજ્યોમાં સેંકડો હજાર ગ્રામ-નગરો એવાં છે, કે જ્યાં વર્ષો પર્યન્ત પૂજ્ય સાધુ-સાધ્વીજી મહારાજનો વિહાર ન થવાના કારણે પૂજ્ય સાધુ સાધ્વીજી મહારાજનાં દર્શન થવા પણ દુર્લભ હોવા છતાં, તે ક્ષેત્રોના હજારો શ્રાવક શ્રાવિકાઓ આજે પણ અખંડ શ્રદ્ધાપૂર્વક જિનાલયોમાં વિરાજિત જિનેન્દ્ર પરમાત્મા પ્રત્યેની અપૂર્વભક્તિના અચિન્ય પ્રભાવે જૈન ધર્મમાં સ્થિર રહ્યા છે. આ સર્વસ્વ દેવદ્રવ્યનો જ પ્રત્યક્ષ પ્રભાવ છે.
મારા પરમ ઉપકારક પરમ તારક ગુરુ દેવેશ પૂજ્યપાદ આચાર્ય શ્રીમત્ કૈલાર સાગરસૂરીશ્વરજી મ. સાહેબ વિક્રમ સંવત ૨૦૧૬માં કલકત્તા ચાતુર્માસમાં સ્થાનકવાસી સુશીલ મુનિજી સાથે (તે સમયે તારક ગુરુદેવેશ ઉપાધ્યાયપદથી વિભૂષિત હતા) વાર્તાલાપ થતાં તેમણે જણાવ્યું, કે અમારા સંપ્રદાયનો છ લાખ રૂપિયાનો ઉપાશ્રય હોવા છતાં, અમારા સાધુ ન હોય તો પાંચછ વૃદ્ધો બપોરે આવીને સામાયિક કરે, હજારો સ્થાનકવાસીઓની સંખ્યા હોવા છતાં કોઈ
દેવ-૨
