________________
(૧૪)
દ્રવ્યદયા કે અનુકમ્પામાં પણ ન આવે. તો પણ કુતર્કવાદિ ખોએ એવી કાર્યવાહી કરીને પણ દુ:ખી જીવોના અન્તરના આશીર્વાદ લેવા છે ? આશીર્વાદ મળશે કે મહાઅભિશાપ મળશે તેની જાણ તો તેઓને એ મહાપાપની ચિરકાળ પર્યન્ત અતિઆકરી શિક્ષા ભોગવવાના અવસરે જ થશે. અને એવા જ ભયંકર ભૂંડા હાલ દેવદ્રવ્યાદિ ધાર્મિકદ્રવ્ય ભક્ષણ કરવા કરાવવાના વિચાર કરનારના પણ થશે.
પૂર્વોપાર્જિત પ્રબળ પુણ્યોદયે કોઈપણ અનિચ્છનીય મહાપાપ કર્યા વિના આજીવિકા અને આર્થિક સ્થિતિની સધ્ધરતા હોય, તો અનન્તપરમતારક શ્રી જિનેન્દ્રપરમાત્માના શાસનને પામીને ધર્મના મર્મને સારી રીતે સમજેલ એવા પુણ્યવત્ત સમ્યગ્દૃષ્ટિજીવો પુણ્યોદયમાં છકે નહિ, અને પૂર્વોપાર્જિત તીવ્રપાપોદયે આજીવિકા અને આર્થિક સ્થિતિ અતિકપરી હોય, તો પણ બકે નહિ. એ કોટીના પુણ્યવત્ત જીવો તો એમ જ માને કે ગતભવોમાં આચરેલ પાપકર્મ ઉદયમાં આવે ત્યારે નિર્ધનતા અને અનેકવિધ દુ:ખો ઉદયમાં આવે. પાપના ઉદયમાં તો દુઃખનું મૂળ પાપનો નાશ થતો હોવાથી પરમ પ્રસન્નતાથી પાપકર્મના વિપાકોદયને સમજપૂર્વક સમભાવે વેદતાં પોતાના આત્માને સમજાવે છે, કે હૈ આત્મન્ ! રખે ને ભૂલે ચૂકે, પણ પુનઃ દેવદ્રવ્યાદિ ધાર્મિકદ્રવ્યભક્ષણનું મહાપાપ, કે અન્ય કોઈપણ પ્રકારના પાપકર્મથી અશુભકર્મ બંધાઈ ન જાય, તે માટે નિરન્તર ઉપયોગશીલ રહીને શ્રી જિનેન્દ્રપરમાત્મોક્ત ધર્મમાં યત્નપ્રયત્નશીલ રહેવું એમાં જ તારી સાચી સુજ્ઞતા છે. એવી અખંડ શ્રદ્ધા ધરાવનારાઓને જ જ્ઞાની ભગવંતોએ જૈન કહ્યા છે. તેઓ દયનીય કે અનુકમ્પ્ય નથી. તેઓ તો ગુણાધિક હોવાથી પૂજ્ય ગણાય. તેમની તો બહુમાનપૂર્વક વાત્સલ્યપૂર્ણહૈયે તન મન અને ધનથી ભક્તિ કરવાની જ અનંતજ્ઞાની ભગવંતોની આજ્ઞા છે.